ಉತ್ತರಾಖಂಡ್ ಸರಕಾರದ ಸಚಿವರು ಮತ್ತು ಅಧಿಕಾರಿಗಳು ಕುಡಿದ ಚಹಾ-ಸ್ನ್ಯಾಕ್ಸ್ ಮೊತ್ತ ಮಾಸಿಕ 73 ಲಕ್ಷ ರೂಪಾಯಿಗಳಾಗಿವೆ ಎಂದು ಮೂಲಗಳು ತಿಳಿಸಿವೆ.
ದಿನೇಶ್ ಅಗರ್‌ವಾಲ್ ಚಹಾ ಮತ್ತು ಸ್ನ್ಯಾಕ್ಸ್‌ಗಳಿಗಾಗಿ ಎರಡು ವರ್ಷದ ಅವಧಿಯಲ್ಲಿ ಸರಕಾರದ 9 ಲಕ್ಷ ರೂಪಾಯಿಗಳನ್ನು ವೆಚ್ಚ ಮಾಡಿ ಅಗ್ರಸ್ಥಾನದಲ್ಲಿದ್ದಾರೆ. ಸರಕಾರ ಮೂರು ವರ್ಷಗಳ ಅವಧಿಯಲ್ಲಿ ಸಚಿವರ ಚಹಾ-ಸ್ನ್ಯಾಕ್ಸ್‌ಗಳಿಗಾಗಿ 73 ಲಕ್ಷ ರೂಪಾಯಿಗಳನ್ನು ವೆಚಚ್ ಮಾಡಿದೆ.
ಆರ್‌ಟಿಐ ಮಾಹಿತಿ ಅನ್ವಯ ಸಚಿವರು ಯಾವುದೇ ರೀತಿಯ ನಾಚಿಕೆಯಿಲ್ಲದೇ ಚಹಾ ಮತ್ತು ಸ್ನ್ಯಾಕ್ಸ್‌ಗಳಿಗಾಗಿ ವೆಚ್ಚ ಮಾಡುತ್ತಿದ್ದಾರೆ,ಸಚಿವ ಪ್ರೀತಮ್ ಪವಾರ್ 8 ಲಕ್ಷ ರೂಪಾಯಿಗಳ ವೆಚಚ್ ಮಾಡಿದ್ದರೆ ಮತ್ತೊಬ್ಬ ಸಚಿವ ಸುರೇಂದ್ರ ರಾಕೇಶ್ 7.77 ಲಕ್ಷ ರೂಪಾಯಿಗಳನ್ನು ವೆಚ್ಚ ಮಾಡಿದ್ದಾರೆ.
ಮತ್ತೊಬ್ಬ ಸಚಿವ ಪ್ರೀತಮ್ ಸಿಂಗ್ 7 ಲಕ್ಷ ರೂಪಾಯಿಗಳನ್ನು ವೆಚಚ್ ಮಾಡಿದ್ದರೆ, ಪ್ರಸಾದ್ ನೈಥಾನಿ 6.80 ಲಕ್ಷ ರೂಪಾಯಿಗಳನ್ನು ವೆಚ್ಚ ಮಾಡಿದ್ದಾರೆ.
ಸಚಿವರಿಗೆ ಈ ಕುರಿತು ಸುದ್ದಿಗಾರರು ಪ್ರಶ್ನೆ ಕೇಳಿದಾಗ, ಜನರು ಮತ್ತು ಅಧಿಕಾರಿಗಳು ಸಮಸ್ಯೆಗಳನ್ನು ತೆಗೆದುಕೊಂಡು ನಮ್ಮ ಬಳಿಗೆ ಬಂದಾಗ ಚಹಾ-ಸ್ನ್ಯಾಕ್ಸ್ ವ್ಯವಸ್ಥೆಯನ್ನು ಮಾಡಬೇಕಾಗಿರುವುದರಿಂದ ವೆಚ್ಚ ಹೆಚ್ಚಾಗಿದೆ ಎಂದು ಸಮರ್ಥಿಸಿಕೊಂಡಿದ್ದಾರೆ.