ಒಬಾಮಾರ ಅವಿನಾಶಿ ಕಾರಿನ ಮುಂದೆ ಕೇಂದ್ರ ಸಚಿವರ ಸೀಕ್ರೆಟ್ ಸೆಲ್ಫಿ

ಇಂದಿನ ದಿನಗಳಲ್ಲಿ ಯುವಜನಾಂಗಕ್ಕೆ ಸೆಲ್ಫಿ ಹುಚ್ಚು ಹಿಡಿದಿದೆ. ವಿಭಿನ್ನ ಭಂಗಿ, ವಿಶೇಷವಾದುದದರ ಮುಂದೆ ನಿಂತು ಅಥವಾ ಅಸಾಮಾನ್ಯ ಎನ್ನುವಂತ ಸೆಲ್ಫಿ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿ ಲೈಕ್ ಗಳಿಸುವುದಕ್ಕೆ ಎಲ್ಲರೂ ಒದ್ದಾಡುತ್ತಾರೆ. ಆದರೆ ಇದು ಯಾರೋ ಯುವಕ ಯುವತಿಯರ ಸೆಲ್ಫಿ ಕತೆ ಅಲ್ಲ. ಇಲ್ಲಿ ಹೇಳ ಹೊರಟಿರುವುದು ಯಾರೋ ಸಾಮಾನ್ಯರ ಬಗ್ಗೆ ಅಲ್ಲ. ಕೇಂದ್ರ ಸಚಿವರೊಬ್ಬರ ಸೆಲ್ಫಿ ಖಯಾಲಿ ಬಗ್ಗೆ...

ಅಮೇರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರು ಭಾರತಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ  ಅವರು ಬಳಸುವ ಅವಿನಾಶಿ 'ಬೀಸ್ಟ್ ಕಾರ್' ಎಲ್ಲರ ಗಮನ ಸೆಳೆದಿತ್ತು. ಇದಕ್ಕೆ ಕೇಂದ್ರ ಸಚಿವರು ಕೂಡ ಹೊರತಾಗಿಲ್ಲ.

ಒಬಾಮಾ ರಾಷ್ಟ್ರಪತಿ ಭವನಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಕೇಂದ್ರ ಸಚಿವರೊಬ್ಬರು ಒಬಾಮಾ ಭದ್ರತಾ ಪಡೆಯವರ ಜತೆ ತಾವು ಕಾರ್ ಮುಂದೆ ಸೆಲ್ಫಿ ತೆಗೆದುಕೊಳ್ಳುವ ಇಂಗಿತ ವ್ಯಕ್ತಪಡಿಸಿದರಂತೆ. ಅದಕ್ಕೆ ಸೀಕ್ರೆಟ್ ಏಜೆಂಟ್ ಒಬಾಮಾ ಇಲ್ಲದ ಸಂದರ್ಭದಲ್ಲಿ ಬನ್ನಿ ಎಂದು ತಿಳಿಸಿದರಂತೆ, ಅಂತೆಯೇ ಒಬಾಮಾ ಊಟಕ್ಕೆ ಹೋದ ಸಂದರ್ಭದಲ್ಲಿ ಬಂದ ಪಾರ್ಕಿಂಗ್‌ಗೆ ಆಗಮಿಸಿದ ಸಚಿವರು ತಮ್ಮ ಮನದಾಸೆಯನ್ನು ಈಡೇರಿಸಿಕೊಂಡರಂತೆ. ಹೀಗೆಂದು ಅಮೇರಿಕಾದ ಸಿಕ್ರೇಟ್ ಏಜೆಂಟ್ ಮಾಹಿತಿ ನೀಡಿದ್ದಾರೆ. ಆದರೆ ಅವರು ಸಚಿವರ ಹೆಸರನ್ನು ಬಹಿರಂಗ ಪಡಿಸಿಲ್ಲ.