ಹೈದರಾಬಾದ್‌ನಲ್ಲಿ ಲಘು ಭೂಕಂಪ

ಕಳೆದ ರಾತ್ರಿ 11 ಗಂಟೆಗೆ ಹೈದ್ರಾಬಾದ್​​ನ ಹಲವಾರು ಕಡೆಗಳಲ್ಲಿ ಲಘು ಭೂಕಂಪದ ಅನುಭವವಾಗಿದ್ದು, ರಿಕ್ಟರ್‌ ಮಾಪಕದಲ್ಲಿ ಇದರ ತೀವ್ರತೆ 1.8 ಪ್ರಮಾಣದಲ್ಲಿ ದಾಖಲಾಗಿದೆ.

ರಾತ್ರಿ 10.30 ರ ಸುಮಾರಿಗೆ ಜುಬ್ಲೀ ಹಿಲ್ಸ್ ಥೋವ್ಲಿಚೌಕಿ,ರಾಜೇಂದ್ರ ನಗರ, ಪಹಡಿ ಶರೀಫ್  ಮತ್ತು ಹಳೆಯ ನಗರದ ಹಲವು ಕಡೆಗಳಲ್ಲಿ ಪ್ರಥಮ ಕಂಪನದ ಅನುಭವವಾಯಿತು ಎಂದು ಸ್ಥಳೀಯ ನಿವಾಸಿಗಳೊಬ್ಬರು ತಿಳಿಸಿದ್ದಾರೆ. 

ನಗರದ ಹಲವು ಪ್ರದೇಶಗಳಲ್ಲಿ ಬಾಗಿಲು, ಕಿಟಕಿ, ಕಟ್ಟಡಗಳು 4 ರಿಂದ 5 ಸೆಕೆಂಡುಗಳು ಕಂಪಿಸಿದಂತಾಗಿದೆ ಎಂದು ತಿಳಿದು ಬಂದಿದೆ

ಆತಂಕಗೊಂಡ ಜನ ತಕ್ಷಣಕ್ಕೆ ಮನೆಯಿಂದ ಹೊರಗೆ ಓಡಿ ಬಂದು, ಇಡೀ ರಾತ್ರಿ ಭಯದಲ್ಲಿ ಕಾಲ ಕಳೆದಿದ್ದಾರೆ. ಯಾವುದೇ ಪ್ರಾಣ ಹಾನಿ, ಆಸ್ತಿ ನಷ್ಟವಾಗಿಲ್ಲ ಎಂದು ವರದಿಯಾಗಿದೆ.