ಕಳೆದ ಒಂದು ತಿಂಗಳಿನಿಂದ ಪತ್ನಿಯ ಮೇಲೆ ನಿರಂತರವಾಗಿ ಅತ್ಯಾಚಾರ ನಡೆಸುತ್ತಿದ್ದ ಮಾವೋವಾದಿಗಳನ್ನು ತಡೆಯಲು ಹೋದ ಪತಿಯನ್ನು ಏಕೆ-47 ರೈಫಲ್‌ನಿಂದ ಹತ್ಯೆಗೈಯಲಾಗಿದೆ.
ಬಿಹಾರ್‌ನ ಔರಂಗಾಬಾದ್ ಜಿಲ್ಲೆಯ ಮದನ್‌ಪುರ್ ಗ್ರಾಮದ ನಿವಾಸಿಯಾಗಿದ್ದ ಅವಧೇಶ್ ಸಿಂಗ್ ಭೋಕ್ತಾ, ತನ್ನ ಪತ್ನಿಯ ಮೇಲೆ ನಿರಂತರ ಅತ್ಯಾಚಾರವೆಸಗುತ್ತಿದ್ದ ನಿಷೇಧಿತ ಮಾವೋ ಗುಂಪಿನ ಸ್ವಯಂಘೋಷಿತ ಇಬ್ಬರು ಕಮಾಂಡರ್‌ಗಳನ್ನು ತಡೆದಾಗ ಅವರುಸ ಅವಧೇಶ್ ಮೇಲೆ ಏಕೆ-47 ರೈಫಲ್‌ನಿಂದ ಏಳು ಬಾರಿ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾರೆ.
ಕಳೆದ ಒಂದು ತಿಂಗಳಿನಿಂದ ಮಾವೋವಾದಿ ಕಮಾಂಡರ್‌ಗಳಾದ ಪ್ರಸಾದ್‌ಜಿ ಮತ್ತು ನವಾಜಿ ನನ್ನ ಮೇಲೆ ಅತ್ಯಾಚಾರವೆಸಗುತ್ತಿದ್ದರು. ಇದನ್ನು ಪತಿ ವಿರೋಧಿಸಿದಾಗ ಆತನನ್ನು ಹತ್ಯೆ ಮಾಡಲಾಗಿದೆ ಎಂದು ಅವಧೇಶ್ ಪತ್ನಿ ಪೊಲೀಸರಿಗೆ ತಿಳಿಸಿದ್ದಾಳೆ.
ಪತಿಯನ್ನು ಹತ್ಯೆ ಮಾಡಿದ ಬಳಿಕ ಕೆಲ ಸಂದೇಶಗಳಿರುವ ಪತ್ರಗಳನ್ನು ಎಸೆದು ಮಾವೋವಾದಿಗಳು ಅರಣ್ಯದಲ್ಲಿ ಪರಾರಿಯಾಗಿದ್ದಾರೆ, ಪತ್ರದಲ್ಲಿ ಅವಧೇಶ್ ಪೊಲೀಸ್ ಮಾಹಿತಿದಾರನಾಗಿದ್ದರಿಂದ ಹತ್ಯೆ ಮಾಡಲಾಗಿದೆ ಎಂದು ತಿಳಿಸಲಾಗಿದೆ.
ಮಾವೋವಾದಿಗಳು ಆರೋಪವನ್ನು ತಳ್ಳಿಹಾಕಿದ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಬಾಬುರಾಮ್, ಮಾವೋಗಳು ಮುಗ್ದ ವ್ಯಕ್ತಿಯನ್ನು ಹತ್ಯೆ ಮಾಡಿದ್ದಾರೆ. ಆತನು ಪೊಲೀಸ್ ಮಾಹಿತಿದಾರನಲ್ಲ ಎಂದು ತಿಳಿಸಿದ್ದಾರೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ