ಪಾರಂಪರಿಕ ಸ್ಥಾನ ಪಡೆದ ಮಂಗಳೂರು ವಿಶ್ವವಿದ್ಯಾಲಯ ಕಾಲೇಜು

100ಕ್ಕೂ ಅಧಿಕ ವರ್ಷಗಳಷ್ಟು ಹಳೆಯದಾದ ದೇಶದ 19 ಕಾಲೇಜುಗಳಿಗೆ ವಿಶ್ವ ವಿದ್ಯಾಲಯ ಅನುದಾನ ಆಯೋಗ(ಯುಜಿಸಿ) ಪಾರಂಪರಿಕ ಸ್ಥಾನ ನೀಡಿದೆ. ಅದರಲ್ಲಿ ನಮ್ಮ ರಾಜ್ಯದ ಮಂಗಳೂರು ವಿಶ್ವವಿದ್ಯಾಲಯ ಕಾಲೇಜು ಸಹ ಸೇರಿದೆ. 

ಪಾರಂಪರಿಕ ಸ್ಥಾನದ ಹೆಗ್ಗಳಿಕೆಯ ಜತೆಗೆ ಇದು ರವೀಂದ್ರ ಕಲಾ ಭವನವದ ನವೀಕರಣಕ್ಕೆ ಆಯೋಗದಿಂದ (ಯುಜಿಸಿ) ರೂಪಾಯಿ 1.83 ಕೋಟಿ ಆರ್ಥಿಕ ನೆರವು ಪಡೆದಿದೆ. 

ಕಾಟನ್ ಕಾಲೇಜ್, ಗೌಹಾತಿ; ಫರ್ಗ್ಯೂಸನ್ ಕಾಲೇಜು, ಪುಣೆ; ಸಂತ ಜೋಸೆಫ್ (ಎ) ಕಾಲೇಜು, ತಮಿಳುನಾಡು; ಖಾಲ್ಸ ಕಾಲೇಜ್, ಪಂಜಾಬ್; ಮತ್ತು ಬಿಹಾರದ ಲಂಗತ್ ಸಿಂಗ್ ಪಾರಂಪರಿಕ ಸ್ಥಾನ ಮತ್ತು ಅಭಿವೃದ್ಧಿ ನಿಧಿ ಪಡೆದ ಇತರ 19 ಕಾಲೇಜುಗಳಲ್ಲಿ ಸೇರಿವೆ. 

ಸೇಂಟ್ ಕ್ಸೇವಿಯರ್ಸ್ ಕಾಲೇಜ್, ಸೇಂಟ್ ಅಲೋಶಿಯಸ್ (ಎ) ಕಾಲೇಜ್ ಮಂಗಳೂರು ಮತ್ತು ಸೇಂಟ್ ಜೋಸೆಫ್ಸ್ (ಎ) ಕಾಲೇಜ್ ಬೆಂಗಳೂರು  ಸೇರಿದಂತೆ ವಿವಿಧ ರಾಜ್ಯಗಳ ಇತರ 39 ಉನ್ನತ ಶೈಕ್ಷಣಿಕ ಸಂಸ್ಥೆಗಳು ಪಾರಂಪರಿಕ ಸ್ಥಾನಕ್ಕಾಗಿ ಅರ್ಜಿ ಸಲ್ಲಿಸಿದ್ದವು. ಆದರೆ ಇವುಗಳ ಅರ್ಜಿ ತಿರಸ್ಕೃತಗೊಂಡಿವೆ. 

‘ಸಂರಕ್ಷಣೆ, ಏಳಿಗೆಗೆ ನಿಧಿ ಮತ್ತು ಪಾರಂಪರಿಕ ಸ್ಥಾನ ಪಡೆಯುವ ಉದ್ದೇಶದೊಂದಿಗೆ ಉನ್ನತ ಶಿಕ್ಷಣ ನಿಯಂತ್ರಕ (ಯುಜಿಸಿ)ಕ್ಕೆ ದೇಶದ ವಿವಿಧ ರಾಜ್ಯಗಳ ಒಟ್ಟು 60 ಕಾಲೇಜುಗಳಿಂದ ಅರ್ಜಿಗಳು ಬಂದಿದ್ದವು. ಅವುಗಳಲ್ಲಿ 19 ಕಾಲೇಜುಗಳನ್ನು ಯುಜಿಸಿ ಆಯ್ಕೆ ಮಾಡಿದೆ.