ಯಾವುದೇ ಅಪಘಾತದ ಸಂದರ್ಭದಲ್ಲಿ ಕಷ್ಟದಲ್ಲಿರುವವರಿಗೆ ನೆರವು ನೀಡಬೇಕೆಂದು ಎಷ್ಟೇ ಜಾಗೃತಿ ಮೂಡಿಸಿದರೂ ಜನ ಮಾತ್ರ ಆ ಬಗ್ಗೆ ತಲೆಕೆಡಿಸಿಕೊಂಡಂತೆ ಕಾಣುತ್ತಿಲ್ಲ. ಇತ್ತೀಚೆಗೆ ಚಿತ್ರದುರ್ಗದಲ್ಲಿ ಅಪಘಾತ ನಡೆದು ಗಾಯಾಳುಗಳು ನರಳುತ್ತಿದ್ದರೂ ಜನ ನೆರವಿಗೆ ಬಂದಿರಲಿಲ್ಲ. ನೆರವು ನೀಡುವ ಬದಲು ವಿಡಿಯೋ ಮಾಡುವುದರಲ್ಲಿ ಬ್ಯುಸಿಯಾಗಿದ್ದರು. ಇಂಥದ್ದೇ ಒಂದು ಘಟನೆ ಕೋಲಾರದಲ್ಲಿ ನಡೆದಿದೆ.
ವ್ಯಕ್ತಿಯೊಬ್ಬ ಕಲ್ಯಾಣಿಯಲ್ಲಿ ಮುಳುಗುತ್ತಿದ್ದರೂ ನೆರವಿಗೆ ಬಾರದೇ ಸಮೀಪವೇ ನಿಂತು ವಿಡಿಯೋ ಮಾಡುತ್ತಿದ್ದ ಘಟನೆ ಕೋಲಾರದ ಟೇಕಲ್ ರಸ್ತೆಯಲ್ಲಿರುವ ಕಲ್ಯಾಣಿಯಲ್ಲಿ ನಡೆದಿದೆ. ಮೃತವ್ಯಕ್ತಿಯನ್ನ 70 ವರ್ಷದ ಹಾರೋಹಳ್ಳಿ ನಿವಾಸಿ ನಂಜಪ್ಪ ಎಂದು ಗುರ್ತಿಸಲಾಗಿದೆ.
ಸಹಾಯಕ್ಕಾಗಿ ಈ ವ್ಯಕ್ತಿ ಎಷ್ಟೇ ಕೈಚಾಚಿದರೂ ಸಮೀಪವಿದ್ದ ಜನ ನೆರವಿಗೆ ಬರಲಿಲ್ಲ. ಅದರ ಬದಲು ಮೊಬೈಲ್`ಗಳಲ್ಲಿ ವಿಡಿಯೋ ತೆಗೆಯುತ್ತಿದ್ದರು. ಪಾಪ ಬಡ ಜೀಬ ನೀರಿನಲ್ಲೆ ಪ್ರಾಣ ಬಿಟ್ಟಿತು. ಅಗ್ನಿಶಾಮಕ ನೀರಿನಲ್ಲಿ ಶವಕ್ಕಾಗಿ ಹುಡುಕಾಟ ನಡೆಸಿದೆ.