ಆಘಾತಕಾರಿ ಘಟನೆಯೊಂದರಲ್ಲಿ ಮಹಿಳೆಯೊಬ್ಬಳು, ಮಲ್ಲಪುರಂ ನಗರದ ಲಾಡ್ಜ್‌ನಲ್ಲಿ ವ್ಯಕ್ತಿಯೊಬ್ಬನ ಗುಪ್ತಾಂಗ ಕತ್ತರಿಸಿ ಹಾಕಿ ಪೊಲೀಸರ ಅತಿಥಿಯಾಗಿದ್ದಾಳೆ.
ಪುರದೂರು ಮೂಲದ 26 ವರ್ಷ ವಯಸ್ಸಿನ ಇರ್ಶಾದ್‌, ಲಾಡ್ಜ್‌ನ ಕೋಣೆಯ ಹೊರಗೆ ರಕ್ತಸಿಕ್ತವಾಗಿ ಬಿದ್ದಿರುವುದು ಕಂಡ ಹೋಟೆಲ್ ಮಾಲೀಕ, ಗಾಬರಿಯಾಗಿ ಕೂಡಲೇ ಆತನನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಿದ್ದಾರೆ.
ಗುಪ್ತಾಂಗ ಕತ್ತರಿಸಿಕೊಂಡ ವ್ಯಕ್ತಿ ಮತ್ತು ಮಹಿಳೆ ಹಿಂದಿನ ದಿನ ಕುಟ್ಟಿಪುರಂನಲ್ಲಿರುವ ಲಾಡ್ಜ್‌ಗೆ ವಾಸಕ್ಕಾಗಿ ಆಗಮಿಸಿದ್ದರು. ಲಾಡ್ಜ್‌ ಕೋಣೆಯಲ್ಲಿಯೇ ಮಹಿಳೆ, ಇರ್ಶಾದ್‌ನ ಗುಪ್ತಾಂಗ ಕತ್ತರಿಸಿ ಹಾಕಿರುವುದು ಪತ್ತೆಯಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಪೆರುಂಬಾವೂರ್ ಮೂಲದ ಮಹಿಳೆಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ನಿರೀಕ್ಷಿಸಲಾಗುತ್ತಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಸಕ್ತ ವರ್ಷದ ಆರಂಭದಲ್ಲಿ 23 ವರ್ಷ ವಯಸ್ಸಿನ ಕಾನೂನು ವಿದ್ಯಾರ್ಥಿನಿಯೊಬ್ಬಳು ಸ್ವಯಂಘೋಷಿತ ದೇವಮಾನವ ಗಂಗೇಶಾನಂದ್ ಸ್ವಾಮಿ ಗುಪ್ತಾಂಗ ಕತ್ತರಿಸಿ ಹಾಕಿದ್ದನ್ನು ಸ್ಮರಿಸಬಹುದು. ವಿದ್ಯಾರ್ಥಿನಿಯ ಕ್ರೂರ ಕೃತ್ಯ ರಾಷ್ಟ್ರಮಟ್ಟದ ಸುದ್ದಿಯಾಗಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.