ಕರಣ್ ಜೋಹರ್ ಅವರ ಮುಂದಿನ ಸಿನಿಮಾದಲ್ಲಿ ಅಭಿನಯಿಸ್ತಾರಾ ಕತ್ರೀನಾ?

ಸದ್ಯ ಜಗ್ಗ ಜಾಸೂಸ್ ಸಿನಿಮಾದ ಪ್ರಮೋಷನಲ್‌ನಲ್ಲಿ ಬ್ಯುಸಿಯಾಗಿರುವ ಕತ್ರೀನಾ ಕೈಫ್ ಅವರು ಮುಂದೆ ಕರಣ್ ಜೋಹರ್ ಅವರ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರಂತೆ. ಈಗಾಗಲೇ ಕರಣ್ ಜೋಹರ್ ಅವರ ಜೊತೆ ಈ ಬಗ್ಗೆ ಕತ್ರೀನಾ ಕೈಫ್ ಅವರು ಮಾತುಕತೆ ನಡೆಸಿದ್ದಾರೆ ಅಂತಾ ಹೇಳಲಾಗುತ್ತಿದೆ.

ಕತ್ರೀನಾ ಕೈಫ್ ಅವರು ಸದ್ಯ ಆಯ್ಕೆ ಮಾಡಿಕೊಳ್ಳುತ್ತಿರುವ ಸಿನಿಮಾಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸೋದಕ್ಕೆ ಹೆಚ್ಚಿನ ಅವಕಾಶ ಇರುವಂತಹ ಸಿನಿಮಾಗಳನ್ನು ಆಯ್ದುಕೊಳ್ಳುತ್ತಿದ್ದಾರೆ. ಅದರಂತೆ ಕತ್ರೀನಾ ಕೈಫ್ ಅವರಿಗೆ ತರುಣ್ ಮನ್ ಸುಖಾನಿ ಅವರ ಸಿನಿಮಾದಲ್ಲಿ ಸುಶಾಂತ್ ಸಿಂಗ್ ರಜಪೂತ್ ಅವರಿಗೆ ನಾಯಕಿಯಾಗಿ ಅಭಿನಯಿಸುವಂತಹ ಅವಕಾಶ ಬಂದಿತ್ತು. ಈ ಸಿನಿಮಾವನ್ನು ಕರಣ್ ಜೋಹರ್ ಅವರು ನಿರ್ಮಾಣ ಮಾಡುತ್ತಿದ್ದಾರೆ.ಆದ್ರೆ ಕ್ಯಾಟ್ ಅವರು ಅಭಿನಯಿಸೋದಕ್ಕೆ ನಿರಾಕರಿಸಿದ್ದರಿಂದ ಸಿನಿಮಾಕ್ಕೆ ನಾಯಕಿಯಾಗಿ ಜಾಕ್ವೆಲಿನ್ ಅವರನ್ನು ಆಯ್ಕೆ ಮಾಡಲಾಗಿತ್ತು.

ಆದ್ರೀಗ ಮತ್ತೆ ಕರಣ್ ಜೋಹರ್ ಅವರು ಕ್ಯಾಟ್ ಮನವೊಲಿಸುವಲ್ಲಿ ಸಕ್ಸಸ್ ಆಗಿದ್ದಾರೆ. ಅಂದ್ಹಾಗೆ ಕತ್ರೀನಾ ಅವರು ಕರಣ್ ಜೋಹರ್ ಅವರ ಸಿನಿಮಾದಲ್ಲಿ ಅಭಿನಯಿಸುತ್ತಿರೋದು ನಾಯಕಿಯಾಗಿ ಅಲ್ಲ. ಸಿನಿಮಾದಲ್ಲಿ ಕತ್ರೀನಾ ಅವರು ಗ್ಲಾಮರ್ ಪಾತ್ರವೊಂದನ್ನು ಮಾಡುತ್ತಿದ್ದಾರಂತೆ. ಅಲ್ಲದೇ ಇದುವರೆಗೂ ತಾನು ನಿರ್ವಹಿಸದೇ ಇರುವಂತಹ ಪಾತ್ರವನ್ನು ಮಾಡುತ್ತಿದ್ದಾರಂತೆ ಜಾಕ್ವೆಲಿನ್.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.