ತೆಲಂಗಾಣ ಸಿಎಂ ಬಾತರೂಮ್‌ಗೂ ಬುಲೆಟ್ ಪ್ರೂಫ್ ಸುರಕ್ಷತೆ

ತೆಲಂಗಾಣಾ ಮುಖ್ಯಮಂತ್ರಿ ಕೆ.ಚಂದ್ರಶೇಖರ್ ರಾವ್ ಹೊಸ ಮನೆಗೆ ಪ್ರವೇಶ ಮಾಡುತ್ತಿದ್ದು, ಹೊಸ ಮನೆಯಲ್ಲಿ ಬಾತರೂಂ ಕೂಡಾ ಬುಲೆಟ್‌ಪ್ರೂಫ್ ಮಾಡಿರುವುದು ವಿಶೇಷವಾಗಿದೆ.  

ರಾಜ್ಯದ ಗುಪ್ತಚರ ದಳದ ಅಧಿಕಾರಿಗಳ ಶಿಫಾರಸ್ಸಿನ ಮೇರೆಗೆ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಗಮನಾರ್ಹ ವಿಷಯವೆಂದರೆ ಕೆಸಿಎರ್‌ಗೆ ಝಡ್‌ ಪ್ಲಸ್ ಭದ್ರತೆ ನೀಡಲಾಗಿದ್ದು ಬುಲೆಟ್ ಪ್ರೂಫ್ ಕಾರುಗಳನ್ನು ಬಳಸಲಾಗುತ್ತಿದೆ

ಕೆಸಿಆರ್ ಸ್ಥಾನ ಮಾಡುವ ಸ್ಥಾನಗೃಹದ ಕಿಟಕಿ ಮತ್ತು ವೆಂಟಿಲೇಟರ್‌ಗಳಿಗೂ ಬುಲೆಟ್ ಪ್ರೂಫ್ ಅಳವಡಿಸಲಾಗಿದೆ. ಅವರ ಪುತ್ರನ ಬೆಡ್‌ರೂಮ್‌‌ನಲ್ಲಿರುವ ಕಿಟಕಿಗಳಿಗೂ ಕೂಡಾ ಅತ್ಯಾಧುನಿಕ ಗುಣಮಟ್ಟದ ಗ್ಲಾಸ್‌ಗಳನ್ನು ಬಳಸಲಾಗಿದೆ.

ಕೆಸಿಆರ್ ಮನೆಯ ಸುತ್ತ ಸುಮಾರು 50 ಭದ್ರತಾ ಸಿಬ್ಬಂದಿಗಳು 24 ಗಂಟೆಗಳ ಸುರಕ್ಷತೆಯನ್ನು ನೀಡುತ್ತಾರೆ. ಮುಖ್ಯಮಂತ್ರಿಯನ್ನು ಭೇಟಿ ಮಾಡಲು ಬರುವ ಜನರು ತಮ್ಮ ಫೋನ್, ವಾಚ್ ಮತ್ತು ಇತರ ವಸ್ತುಗಳನ್ನು ಕೂಡಾ ಭದ್ರತಾ ಸಿಬ್ಬಂದಿಗಳಿಗೆ ನೀಡಬೇಕಾಗುತ್ತದೆ.

ಮುಖ್ಯಮಂತ್ರಿ ಕೆ.ಚಂದ್ರಶೇಖರ್ ರಾವ್ ಅವರ ಮನೆಯನ್ನು ಮುಂಬೈ ಮೂಲದ ಶಾಪೂರ್ಜಿ ಪಲ್ಲೊಂಜಿ ಬಿಲ್ಡರ್ಸ್ ನಿರ್ಮಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ