ರಮ್ಜಾನ್: ಮಸೀದಿಗಳಿಗೆ ಉಚಿತ ಅಕ್ಕಿ ಪೂರೈಸಲು ಜಯಾ ಆದೇಶ

ಪವಿತ್ರ ರಮ್ಜಾನ್ ಮಾಸದಲ್ಲಿ ಗಂಜಿ ತಯಾರಿಸಲೆಂದು ಮಸೀದಿಗಳಿಗೆ ಉಚಿತ ಅಕ್ಕಿ ಪೂರೈಸಲು ತಮಿಳುನಾಡು ಸರ್ಕಾರ ಆದೇಶಿಸಿದೆ. 

ರಾಜ್ಯದಲ್ಲಿರುವ 3,000 ಮಸೀದಿಗಳಿಗೆ 4,600 ಟನ್ ಅಕ್ಕಿಯನ್ನು ಪೂರೈಸುವಂತೆ ಆದೇಶಿಸಿದ್ದೇನೆ ಎಂದು ಸಿಎಂ ಜಯಲಲಿತಾ ಹೇಳಿಕೆ ಪ್ರಕಟಿಸಿದ್ದಾರೆ.

ಈ ಯೋಜನೆಯನ್ನು ಮುಸ್ಲಿಂ ಸಮುದಾಯ ದೊಡ್ಡ ಮಟ್ಟದಲ್ಲಿ ಸ್ವಾಗತಿಸಿದೆ. ಈ ವರ್ಷ ಕೂಡ ಅಕ್ಕಿಯನ್ನು ಪೂರೈಸಿ ಎಂಬ ಮನವಿ ಬರುತ್ತಿದ್ದಂತೆ ನಾನು ಈ ಆದೇಶಿಸಿದ್ದೇನೆ ಎಂದು ಅವರು ತಿಳಿಸಿದ್ದಾರೆ.

2001ರ ಅಧಿಕಾರಾವಧಿಯಲ್ಲಿ ಜಯಾ ಈ ಯೋಜನೆಯನ್ನು ಪರಿಚಯಿಸಿದ್ದರು. 

ಮಸೀದಿಗಳಿಗೆ ಸಾಕಷ್ಟು ಪ್ರಮಾಣದಲ್ಲಿ ಅಕ್ಕಿ ಬಿಡುಗಡೆ ಮಾಡುವಂತೆ ಜಿಲ್ಲಾಧಿಕಾರಿಗಳಿಗೆ ಸೂಚಿಸಲಾಗಿದೆ. 3,000 ಮಸೀದಿಗಳು ಈ ಯೋಜನೆಯ ಲಾಭವನ್ನು ಪಡೆದುಕೊಳ್ಳಲಿದ್ದು ಮತ್ತು ಬೊಕ್ಕಸಕ್ಕೆ 2.14 ಕೋಟಿ ವೆಚ್ಚವಾಗುತ್ತದೆ ಎಂದು ತಿಳಿದು ಬಂದಿದೆ.