ಇಂಡಿಗೋದಿಂದ ಮಾನ್ಸೂನ್ ಸ್ಪೆಷಲ್ ಆಫರ್: 899ರೂ ಗೆ ವಿಮಾನ ಪ್ರಯಾಣ

ಚೆನ್ನೈ: ಸಮ್ಮರ್ ಸ್ಪೆಷಲ್ ಕೊಡುಗೆಗೆ ಪ್ರಯಾಣಿಕರಿಂದ ಉತ್ತಮ ಪ್ರತಿಕ್ರಿಯೆ ಬಂದ ಹಿನ್ನಲೆಯಲ್ಲಿ ಅಗ್ಗದ ವಿಮಾನಯಾನ ಸಂಸ್ಥೆ ಇಂಡಿಗೋ ಈಗ ಮಾನ್ಸೂನ್ ಸ್ಪೆಷಲ್ ಆಫರ್ ಗಳನ್ನು ನೀಡಿದೆ. ಜುಲೈ 1ರಿಂದ ಸೆಪ್ಟೆಂಬರ್ 30ರವರೆಗೆ ಕೇವಲ 899 ರೂ ಗಳ ವಿಶೇಷ ಕೊಡುಗೆಗಳನ್ನು ಪ್ರಕಟಿಸಿದೆ.

ಇಂದಿನಿಂದಲೇ ಮುಂಗಡ ಟಿಕೆಟ್ ಬುಕ್ ಮಾಡಬಹುದು ಇಂದಿನಿಂದ ಮೂರುದಿನಗಳ ಕಾಲ ಟಿಕೆಟ್ ಬುಕ್ ಮಾಡುವವರಿಗೆ ಇಂಡಿಗೋ ಹಾರಾಟ ನಡೆಸುವ ಎಲ್ಲ 39 ಮಾರ್ಗಗಳಲಿ ಈ ಆಫರ್ ನೀಡುತ್ತಿದೆ.

ಜಮ್ಮು-ಅಮೃತಸರ, ದೆಹಲಿ-ಉದಯಪುಅರ, ಅಹಮದಾಬಾದ್-ಮುಂಬೈ, ಚೆನ್ನೈ-ಪೋರ್ಟ್ ಬ್ಲೇರ್, ಹೈದರಾಬಾದ್-ಮುಂಬೈ, ಕೋಲ್ಕತ್ತಾ-ಅಗರ್ತಲಾ, ದೆಹಲಿ-ಕೊಯಮತ್ತೂರ್ ಮತ್ತು ಗೋವಾ-ಚೆನ್ನೈ ಸೇರಿದಂತೆ ತನ್ನ ಎಲ್ಲಾ ಮಾರ್ಗಗಳಲ್ಲಿ ತೆರಿಗೆ ಸಹಿತ 899 ರೂ ಗೆ ಪ್ರಯಾಣ ಅವಕಾಶ ಕಲ್ಪಿಸಿದೆ.