ಐಸಿಸಿ ವಿಶ್ವ ಟ್ವೆಂಟಿ20 ತಂಡ ಪ್ರಕಟ: ಧೋನಿ ನಾಯಕ, ಮನೀಷ್ ಪಾಂಡೆಗೆ ಕೊಕ್

ಮುಂಬರುವ ಏಷ್ಯಾಕಪ್-2016 ಟ್ವೆಂಟಿ20 ಸರಣಿಗಾಗಿ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ತಂಡವನ್ನು ಬಿಸಿಸಿಐ ಪ್ರಕಟಿಸಿದ್ದು, ಮನೀಷ್ ಪಾಂಡೆಗೆ ಕೊಕ್ ನೀಡಲಾಗಿದೆ.

ಇತ್ತೀಚೆಗೆ ಆಸ್ಟ್ರೇಲಿಯಾ ವಿರುದ್ಧ ಮೂರು ಪಂದ್ಯಗಳ ಟ್ವೆಂಟಿ20 ಸರಣಿಯಲ್ಲಿ ಪಾಲ್ಗೊಂಡಿದ್ದ ತಂಡವನ್ನೇ ಸಂದೀಪ್ ಪಾಟೀಲ್ ನೇತೃತ್ವದ ಸಮಿತಿ ಆಯ್ಕೆ ಮಾಡಿದೆ. 

ತಂಡದಲ್ಲಿ ಎಡಗೈ ಸ್ಪಿನ್ನರ್ ಪವನ್ ನೇಗಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ, ಉಮೇಶ್ ಯಾದವ್ ಮತ್ತು ಮನೀಷ್ ಪಾಂಡೆಗೆ ತಂಡದಿಂದ ಹೊರಗಿಡಲಾಗಿದೆ. 

ಬಿಸಿಸಿಐ ಆಯ್ಕೆ ಸಮಿತಿಯ ಅಧ್ಯಕ್ಷರಾದ ಸಂದೀಪ್ ಪಾಟೀಲ್ ಇಂದು ನಡೆಸಿದ ಸುದ್ದಿಗೋಷ್ಠಿಯಲ್ಲಿ 15 ಸದಸ್ಯರ ಭಾರತ ತಂಡವನ್ನು ಪ್ರಕಟಿಸಿದ್ದಾರೆ.

ತಂಡದಲ್ಲಿ ಎಂ.ಎಸ್.ಧೋನಿ, ಶಿಖರ್ ಧವನ್, ವಿರಾಟ್ ಕೊಹ್ಲಿ, ಸುರೇಶ್ ರೈನಾ, ಯುವರಾಜ್ ಸಿಂಗ್, ಅಜಿಂಕ್ಯ ರಹಾನೆ, ರವೀಂದ್ರ ಜಡೇಜಾ, ಹಾರ್ದಿಕ್ ಪಾಂಡೆ, ಆರ್‌.ಅಶ್ವಿನ್, ಹರಭಜನ್ ಸಿಂಗ್,ಜಸ್‌ಪ್ರೀತ್ ಬಮರಾಹ್, ಆಶೀಶ್ ನೆಹ್ರಾ, ಪವನ್ ನೇಗಿ ಮತ್ತು ಮೊಹಮ್ಮದ ಶಮಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.