ನಾನು ಹೃದಯದಿಂದ ಗುಜರಾತಿ: ರಾಷ್ಟ್ರಪತಿ ಪ್ರಣವ್ ಮುಖರ್ಜಿ

'ಗುಜರಾತಿ ಭಾಷೆ ಮಾತನಾಡದಿದ್ದರೂ, ಹೃದಯದಿಂದ ನಾನು ಗುಜರಾತಿ', ಎಂದು ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಹೇಳಿಕೊಂಡಿದ್ದಾರೆ. ಎರಡು ದಿನಗಳ ಮಟ್ಟಿಗೆ ಗುಜರಾತ್ ಪ್ರವಾಸದಲ್ಲಿರುವ ಮುಖರ್ಜಿ, ಈ ಹಿಂದೆ ನಾನು ಗುಜರಾತಿನಿಂದ ರಾಜ್ಯಸಭೆಗೆ ಆಯ್ಕೆಯಾಗಿದ್ದನ್ನು ಸ್ಮರಿಸಿಕೊಂಡಿದ್ದಾರೆ.  

ನಾನು ಗುಜರಾತಿಗೆ ಹೊಸಬನಲ್ಲ. ಅವರು ( ರಾಜಕೀಯ ನಾಯಕರು) ನನ್ನನ್ನು ಈ ರಾಜ್ಯದಿಂದ ರಾಜ್ಯಸಭೆಗೆ ಆಯ್ಕೆಯಾಗಲು ಸಹಾಯ ಮಾಡಿದರು. ನಾನು ಸಂಪೂರ್ಣ 6 ವರ್ಷ ರಾಜ್ಯಸಭೆಯಲ್ಲಿ ಗುಜರಾತ್‌ನನ್ನು ಪ್ರತಿನಿಧಿಸಿದ್ದೆ. ಹೀಗಾಗಿ ನಾನು ಗುಜರಾತಿ ಎಂದು ವಾದಿಸಬಲ್ಲೆ. ಆದರೆ ದುರದೃಷ್ಟವಶಾತ್ ನನಗೆ ಗುಜರಾತಿ ಮಾತನಾಡಲು ಬರುವುದಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ ಪ್ರಣವ್ ಮುಖರ್ಜಿ. 

ಭರೂಚ್ ಜಿಲ್ಲೆಯಲ್ಲಿ 'ಸೇವಾಶ್ರಮ್'  ಬಹು ವಿಶೇಷತೆ ಮತ್ತು  ಹೃದಯದ ಆಸ್ಪತ್ರೆ ಮತ್ತು  ಮಹಾತ್ಮಾ ಗಾಂಧಿ, ಸರ್ದಾರ್ ಪಟೇಲ್ 

ಪುತ್ಥಳಿಯನ್ನು ಉದ್ಘಾಟಿಸಿ ಮಾತನ್ನಾಡುತ್ತಿದ್ದ ಅವರು, ನಾನಿದನ್ನು ವಾದಿಸುತ್ತಿಲ್ಲ, ಆದರೆ ನನ್ನ ಹೃದಯ ಈಗಲೂ ಗುಜರಾತಿ 

ಎಂದಿದ್ದಾರೆ. 

ಭಾರತದ ಇಬ್ಬರು ಮಹಾನ್ ಪುತ್ರರಾದ ಗಾಂಧಿ ಮತ್ತು ಪಟೇಲ್,  ಸ್ವಾತಂತ್ರ್ಯ ತಂದು ಕೊಟ್ಟಿದ್ದಷ್ಟೇ ಅಲ್ಲ, ದೇಶದ ಭವ್ಯ ಭವಿಷ್ಯಕ್ಕೆ ಭದ್ರ ನೆಲಗಟ್ಟನ್ನು ಕೂಡ ಹಾಕಿದರು ಎಂದು ರಾಷ್ಟ್ರಪತಿ ಹೇಳಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ