ನಾನು ಪಾಕಿಸ್ತಾನಿ, ಭಾರತೀಯರನ್ನು ಕೊಲ್ಲಲ್ಲು ಬಂದಿದ್ದೇನೆ

"ನಾನು ಪಾಕಿಸ್ತಾನಿ, ಭಾರತೀಯರನ್ನು ಕೊಲ್ಲಲ್ಲು ಇಲ್ಲಿಗೆ ಬಂದಿದ್ದೇನೆ", ಬುಧವಾರ ರಾಷ್ಟ್ರೀಯ ತನಿಖಾ ದಳದವರ ಕೈಯ್ಯಿಗೆ ಸಿಕ್ಕಿ ಹಾಕಿಕೊಂಡಿರುವ ಉಗ್ರ ಸಫಿವುಲ್ಲಾ ಬಹಾದೂರ್ ಅಲಿ  ಬಾಯ್ಬಿಟ್ಟ ಸತ್ಯವಿದು. ಲಷ್ಕರ್- ಇ-ತೈಬಾದ ಇತರೆ ಉಗ್ರರಂತೆ ಈತ ಕೂಡ  ಮುಜಫ್ಪರಾಬಾದ್ ಮೂಲಕ ಭಾರತಕ್ಕೆ ನುಸುಳಿದ್ದ.

ಸ್ಥಳೀಯರ ಸಹಾಯದ ಮೂಲಕ ಅಲಿ ಮತ್ತಿಬ್ಬರು ಉಗ್ರರು ಭಾರತವನ್ನು ಪ್ರವೇಶಿಸಿದ್ದರು ಎಂದು ಎನ್‌ಐಗೆ ಮಾಹಿತಿ ಲಭಿಸಿದೆ.

ಸಾದ್ ಭಾಯ್ ಮತ್ತು ದರ್ದಾ ಭಾಯ್ ಜತೆಗೆ ಸ್ಥಳೀಯ ಮಾರ್ಗದರ್ಶಕರ ಸಹಾಯದಿಂದ ನಾನು ಭಾರತಕ್ಕೆ ಬಂದೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಸರಣಿ ಸ್ಪೋಟ ಮಾಡುವುದು ನಮ್ಮ ಉದ್ದೇಶವಾಗಿತ್ತು. ಅದಕ್ಕಾಗಿಯೇ ನಮಗೆ ವಿಶೇಷ ತರಬೇತಿಯನ್ನು ನೀಡಲಾಗಿತ್ತು.  ರಾಜ್ಯದಲ್ಲಿ ಪ್ರತಿಭಟನೆ ನಡೆಯುತ್ತಿದ್ದ ಸಂದರ್ಭ ಒಳನುಸುಳುವಿಕೆಗೆ ಸಹಾಯಕಾರಿ ಎಂಬುದು ನಮ್ಮ ಯೋಚನೆಯಾಗಿತ್ತು ಎಂದಾತ ಬಾಯ್ಬಿಟ್ಟಿದ್ದಾನೆ.

ನಿನ್ನ ರಾಷ್ಟ್ರೀಯತೆ ಬಗ್ಗೆ ಬಹಿರಂಗ ಪಡಿಸು ಮತ್ತು ಕುಪ್ವಾರದಲ್ಲಿ ಬಂಧನಕ್ಕೊಗಾಗುವಾಗ ನೀನು ಅಲ್ಲೇನು ಮಾಡಿಕೊಂಡಿದ್ದೆ ಎಂದು ಕೇಳಲಾಗಿ, ನಾನು ಪಾಕಿಸ್ತಾನಿ, ಲಾಹೋರಿನ ರೈವಿಂಡ್ ಪ್ರದೇಶದ ನಿವಾಸಿಯಾಗಿದ್ದೇನೆ. ಕೆಲ ವರ್ಷಗಳ ಹಿಂದೆ ನಾನು  ಲಷ್ಕರ್- ಇ-ತೈಬಾವನ್ನು ಸೇರಿದ್ದೆ ಮತ್ತು ಮುಜಫ್ಪರಾಬಾದ್‌ನಲ್ಲಿ ತರಬೇತಿ ಪಡೆದುಕೊಂಡಿದ್ದೆ ಎಂದಾತ ಹೇಳಿದ್ದಾನೆ.

ನನ್ನ ಜತೆ ಇದ್ದ ಸಾದ್ ಮತ್ತು ದರ್ದಾ ಭದ್ರತಾ ಸಿಬ್ಬಂದಿಗಳು ನಡೆಸಿದ ಎನ್‌ಕೌಂಟರ್‌ನಲ್ಲಿ ಹತ್ಯೆಯಾದರು. ಆದರೆ ನಾನು ಕಾರ್ಯಾಚರಣೆಯನ್ನು ಮುಂದುವರೆಸಲು ನಿರ್ಧರಿಸಿದೆ. ನಾನು ಸಂಘಟನೆಯ ಆದೇಶಕ್ಕೆ ಕಾಯುತ್ತಿದ್ದೆ. ಮಿಷನ್ ಪೂರ್ತಿಗೊಳಿಸಲು ಮತ್ತಿಬ್ಬರನ್ನು ಕಳುಹಿಸುವುದಾಗಿ ನನಗೆ ತಿಳಿಸಲಾಗಿತ್ತು. ಜಮ್ಮು ಮತ್ತು ಕಾಶ್ಮೀರದಲ್ಲಿ ಪೊಲೀಸರನ್ನು ಮತ್ತು ಭದ್ರತಾ ಸಿಬ್ಬಂದಿಯನ್ನು ಗುರಿಯಾಗಿಸಲು ನಮಗೆ ತಿಳಿಸಲಾಗಿತ್ತು ಎಂದಾತ ಸ್ಪೋಟಕ ಮಾಹಿತಿಯನ್ನು ಹೊರಗೆ ಹಾಕಿದ್ದಾನೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.