ಮದುವೆ ಮನೆಯಾಯ್ತು ಮಸಣ: ವಧುವಿನ ಮುಂದೆ ವರನ ಬರ್ಬರ ಹತ್ಯೆ

ವಾರಂಗಲ್‌ನಲ್ಲಿ ಮತ್ತೊಂದು ವರ್ಯಾದಾ ಹತ್ಯೆ ನಡೆದಿದೆ.ತಮ್ಮ ಮಗಳನ್ನು ಪ್ರೀತಿಸಿ ಮದುವೆಯಾಗುತ್ತಿದ್ದ ಯುವಕನ ಮೇಲೆ ವಧುವಿನ ಮನೆಯವರು ದಾಳಿ ನಡೆಸಿ ಮದುವೆ ಮನೆಯಲ್ಲೇ ಹತ್ಯೆಗೈಯ್ಯಲಾಗಿದೆ. 

ಬರ್ಬರವಾಗಿ ಹತ್ಯೆಯಾದ ಯುವಕನನ್ನು 22 ವರ್ಷದ ಮಹಾಂಕಾಳಿ ಅನಿಲ್ ಎಂದು ಗುರುತಿಸಲಾಗಿದೆ. ಆತ ಪ್ರೀತಿಸಿ ಮದುವೆಯಾಗ ಹೊರಟಿದ್ದ ಯುವತಿ ಮೌನಿಕಾ (18)ಳ ಪೋಷಕರಿಂದ ಆತ ಹತ್ಯೆಯಾಗಿದ್ದಾನೆ. 

ವರದಿಗಳ ಪ್ರಕಾರ ಕಳೆದೊಂದು ವರ್ಷದಿಂದ ಪರಷ್ಪರ ಪ್ರೀತಿಸುತ್ತಿದ್ದ ಜೋಡಿಯನ್ನು ಬೇರ್ಪಡಿಸಲು ಯುವತಿಯ ಪೋಷಕರು ಪ್ರಯತ್ನಿಸುತ್ತಿದ್ದರು. ಹೀಗಾಗಿ ಈ ಹಿಂದೆ ಕೂಡ ಜೋಡಿ ಓಡಿ ಹೋಗಿ ಮದುವೆಯಾಗಲು ಪ್ರಯತ್ನಿಸಿತ್ತು. ಆಗೆಲ್ಲ ಮೌನಿಕಾ ಪೋಷಕರು ಆಕೆ ಅಪ್ರಾಪ್ತಳೆಂಬ ಕಾರಣವನ್ನು ಮುಂದಿಟ್ಟುಕೊಂಡು ಪೊಲೀಸರ ಸಹಾಯವನ್ನು ಪಡೆದಿದ್ದರು.

ಆದರೆ ಯುವತಿಗೆ 18 ವರ್ಷವಾಗುತ್ತಿದ್ದಂತೆ ಇಬ್ಬರು ಓಡಿ ಹೋಗಿ ದೇವಸ್ಥಾನದಲ್ಲಿ ಮದುವೆಯಾಗಲು ಪ್ರಯತ್ನಿಸಿದ್ದಾರೆ. ಈ ಸುದ್ದಿ ತಿಳಿದ ಯುವತಿಯ ಮನೆಯವರು ಅಲ್ಲಿಗೆ ಬಂದು ಯುವಕನನ್ನು ಭೀಕರವಾಗಿ ಕೊಂದು ಹಾಕಿದ್ದಾರೆ. 

ಆರೋಪಿಗಳಲ್ಲಿ ಕೆಲವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಕಳೆದ ಕೆಲ ದಿನಗಳ ಹಿಂದೆ ಮದುವೆಗೆ ಮುನ್ನ ಗರ್ಭಿಣಿಯಾಗಿದ್ದಾಳೆಂದು 19 ವರ್ಷದ ಯುವತಿಯನ್ನು ಆಕೆಯ ತಾಯಿ, ಅಣ್ಣಂದಿರೇ ಹತ್ಯೆಗೈದ ಘಟನೆ ತೆಲಂಗಾಣದ ರಂಗಾರೆಡ್ಡಿಯಲ್ಲಿ ನಡೆದಿತ್ತು. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.