ವ್ಯಾಟ್ಸಾಪ್ ನಲ್ಲಿ ತಲಾಖ್ ನೀಡಿದ ಭೂಪ!

ಹೈದರಾಬಾದ್: ತ್ರಿವಳಿ ತಲಾಖ್ ಬಗ್ಗೆ ಚರ್ಚೆಗಳಾಗುತ್ತಿರುವಾಗಲೇ ಇಲ್ಲೊಬ್ಬ ಪತಿ ಮಹಾಶಯ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಟ್ಸಾಪ್ ನಲ್ಲಿ ತಲಾಖ್ ನೀಡಿ ಸಂಕಷ್ಟಕ್ಕೀಡಾಗಿದ್ದಾನೆ. ಪತಿಯ ವಿರುದ್ಧ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾಳೆ.

ಅಮೆರಿಕದಲ್ಲಿ ನೆಲೆಸಿರುವ ಪತಿ ತನಗೆ ವ್ಯಾಟ್ಸಾಪ್ ನಲ್ಲಿ ತಲಾಖ್ ನೀಡಿರುವುದರ ವಿರುದ್ಧ ಹೈದರಾಬಾದ್ ಮೂಲದ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾಳೆ. ಉಸ್ಮಾನ್ ಖುರೇಷಿ ಎಂಬಾತ ತನ್ನ ಪತ್ನಿ ಮೆಹ್ರೀನ್ ನೂರ್ ಗೆ ವ್ಯಾಟ್ಸಾಪ್ ಸಂದೇಶದ ಮೂಲಕ ತಲಾಖ್ ನೀಡಿದ್ದ. ಮೆಹ್ರೀನ್ ಅತ್ತೆ ಮಾವನ ಜತೆ ಹೈದರಾಬಾದ್ ನಲ್ಲಿ ನೆಲೆಸಿದ್ದಾಳೆ.

ಆಕೆಗೆ ತಲಾಖ್ ಎಂದು ಮೂರು ಬಾರಿ ಬರೆದು ಸಂದೇಶ ಕಳುಹಿಸಿದ್ದ. ಇದೀಗ ಪೊಲೀಸರು ಉಸ್ಮಾನ್ ಹಾಗೂ ಆತನ ತಂದೆ, ತಾಯಿ ಮೇಲೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.  ತಲಾಖ್ ಬಗ್ಗೆ ಪ್ರಶ್ನಿಸಲು ಮಾವನ ಮನೆಗೆ ಬಂದ ಮೆಹ್ರೀನ್ ಮನೆಯವರ ಜತೆ ಉಸ್ಮಾನ್ ಮನೆಯವರು ಅನುಚಿತವಾಗಿ ನಡೆದುಕೊಂಡರು ಎನ್ನಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.