ಹೈಪ್ರೋಫೈಲ್ ಸೆಕ್ಸ್ ರಾಕೆಟ್: ಇಬ್ಬರು ಹಾಟ್ ನಟಿಯರ ಬಂಧನ

ಹೈಪ್ರೋಫೈಲ್ ಸೆಕ್ಸ್ ರಾಕೆಟ್‌ನಲ್ಲಿ ಪಾಲ್ಗೊಂಡಿದ್ದ ಇಬ್ಬರು ಮಾಡೆಲ್‌ ನಟಿಯರನ್ನು ಪೊಲೀಸರು ಗುರ್ಗಾಂವ್ ಪ್ರದೇಶದಲ್ಲಿ ಬಂಧಿಸಿದ್ದಾರೆ,

ಇಬ್ಬರು ಮಾಡೆಲ್‌ಗಳಲ್ಲಿ ಒಬ್ಬಳು ಖ್ಯಾತಿ ಟಿವಿ ಧಾರವಾಹಿ ಕಲಾವಿದೆಯಾಗಿದ್ದಾಳೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. 

ಸಾವಧಾನ್ ಇಂಡಿಯಾ ಎನ್ನುವ ಕ್ರೈಮ್ ಧಾರವಾಹಿಯಲ್ಲಿ ನಟಿಸುತ್ತಿದ್ದಳು ಎನ್ನಲಾಗಿದ್ದು ಸೆಕ್ಸ್ ರಾಕೆಟ್‌ನ ಮುಖ್ಯಸ್ಥನನ್ನು ಇಲ್ಲಿಯವರೆಗೆ ಬಂಧಿಸಲಾಗಿಲ್ಲ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಮುಂಬೈ ಪೊಲೀಸ್‌ನ ಸೋಶಿಯಲ್ ಸರ್ವಿಸ್ ವಿಭಾಗದ ಅಧಿಕಾರಿಗಳಿಗೆ ಹೈ ಪ್ರೋಫೈಲ್ ಸೆಕ್ಸ್ ರಾಕೆಟ್ ನಡೆಯುತ್ತಿರುವ ಬಗ್ಗೆ ಮಾಹಿತಿ ಲಭಿಸಿತ್ತು. ಪೊಲೀಸರು ಕೆಲ ವ್ಯಕ್ತಿಗಳನ್ನು ವಿಚಾರಿಸಿದಾಗ ಸೆಕ್ಸ್ ರಾಕೆಟ್ ನಡೆಯುತ್ತಿರುವುದು ತಿಳಿದು ಬಂದಿದೆ.

ಖಚಿತ ಮಾಹಿತಿ ಪಡೆದ ಪೊಲೀಸರು ಫಿಲ್ಮ್ ಸಿಟಿ ಬಳಿಯಿರುವ ಕಟ್ಟಡದ ಮೇಲೆ ದಾಳಿ ಮಾಡಿ ಇಬ್ಬರು ಮಾಡೆಲ್ ಮತ್ತು ಇಬ್ಬರು ವಿಟಪುರುಷರನ್ನು ಬಂಧಿಸಿದ್ದಾರೆ.

ಮಾಡೆಲ್‌ಗಳನ್ನು ಒಂದು ರಾತ್ರಿ ಸುಖಕ್ಕಾಗಿ ಗ್ರಾಹಕರು 50 ಸಾವಿರ ರೂಪಾಯಿಗಳಿಂದ 1ಲಕ್ಷ ರೂಪಾಯಿಗಳವರೆಗೆ ಪಾವತಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರು ಟಿವಿ ಕಲಾವಿದೆ ಮತ್ತು ಮರಾಠಿ ಚಿತ್ರಗಳ ನಟಿಯನ್ನು ಕೂಡಾ ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.