ಹೊತ್ತಿ ಉರಿದ ಶಾಲಾ ವ್ಯಾನ್: ಪಾರಾದ ಮಕ್ಕಳು

ಶಾಲಾ ವಾಹನವೊಂದು ಹೊತ್ತಿ ಉರಿದು ಕ್ಷಣಾರ್ಧದಲ್ಲಿ ಭಸ್ಮವಾದ ಘಟನೆ ಅಹಮದಾಬಾದ್‌ನಲ್ಲಿ ಬುಧವಾರ ಮುಂಜಾನೆ ನಡೆದಿದೆ. ಅದೃಷ್ಟವಶಾತ್ ಅದರಲ್ಲಿದ್ದ ಮಕ್ಕಳೆಲ್ಲರೂ ಚಾಲಕನ ಮುಂಜಾಗ್ರತೆಯಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

11 ವರ್ಷದ ಒಳಗಿನ 12 ಮಕ್ಕಳು ಪ್ರಯಾಣಿಸುತ್ತಿದ್ದ ವ್ಯಾನ್ ಅನಿಲ ಸೋರಿಕೆಯಾಗಿದ್ದು ಅದನ್ನು ತಿಳಿದ ಕೂಡಲೇ ಚಾಲಕ ಸಂದೀಪ್ ಸಾಮ್ಯುಯೆಲ್ ಅವರನ್ನೆಲ್ಲ ವಾಹನದಿಂದ ಕೆಳಗಿಳಿಸಿದ್ದಾನೆ. ಕೆಲವೇ ಹೊತ್ತಿನಲ್ಲಿ ವ್ಯಾನ್ ಹೊತ್ತಿ ಉರಿದು ಕರಕಲಾಗಿದೆ. 

ಪ್ರತಿದಿನ ಸಂದೀಪ್ 12 ಜನ ಮಕ್ಕಳನ್ನು ನಗರದ ಪೂರ್ವದಲ್ಲಿರುವ ಶಾಲೆಗೆ ಕರೆದೊಯ್ಯುತ್ತಿದ್ದರು. 

ದೊಡ್ಡ ಅನಾಹುತದಿಂದ ಮಕ್ಕಳು ಪಾರಾಗಿರುವುದಕ್ಕೆ ಪೋಷಕರು ನಿಟ್ಟುಸಿರು ಬಿಟ್ಟಿದ್ದಾರೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.