ಬಾಂಗ್ಲಾ ರೆಸ್ಟೋರೆಂಟ್ ದಾಳಿಯ ಕೈವಾಡ ಐಸಿಸ್ ಉಗ್ರರದ್ದಲ್ಲ..ಜಮೈತುಲ್ ಮುಜಾಹಿದ್ದೀನ್ ಕೃತ್ಯ

ಬಾಂಗ್ಲಾದ ರೆಸ್ಟೊರೆಂಟ್ ಮೇಲೆ ದಾಳಿ ಮಾಡಿ 20 ಕ್ಕೂ ಅಧಿಕ ಮಂದಿಯನ್ನು ಹತ್ಯೆಗೈದ 7 ಉಗ್ರರು ಐಸಿಸ್‌ಗೆ ಸೇರಿದವರಲ್ಲ, ಈ ದಾಳಿಯ ಹಿಂದೆ ಜಮೈತುಲ್ ಮುಜಾಹಿದ್ದೀನ್ ಸಂಘಟನೆಯ ಉಗ್ರರು ಎಂದು ಬಾಂಗ್ಲಾದ್ ಗೃಹ ಸಚಿವ ಅಸಾದುಜ್ಜಮಾನ್ ಖಾನ್ ತಿಳಿಸಿದ್ದಾರೆ. 

ಹಂತಕರು ಶಿಕ್ಷಿತರಾಗಿರಲಿಲ್ಲ. ಕೇವಲ ಅವರೆಲ್ಲಾ ಫ್ಯಾಶನ್‌ಗಾಗಿಯೇ ಉಗ್ರರಾದರೆಂದು ಗೃಹ ಸಚಿವಾಲಯ ತಿಳಿಸಿದೆ. ಇದೇ ವೇಳೆ ಸ್ಥಳ ಪರಿಶೀಲನೆ ನಡೆಸಿರುವ ಪೊಲೀಸರು ದಾಳಿ ನಡೆದ ಹೋಲಿ ಆರ್ಟಿಸನ್ ಬೇಕರಿ ರೆಸ್ಟೊರೆಂಟ್ ಸುತ್ತಮುತ್ತಲಿನ ಭಾಗದಲ್ಲಿ ತಪಾಸಣೆ ನಡೆಸಿದ್ದರು ಎಂದು ತಿಳಿಸಿದ್ದರು. 

ಹೋಟೆಲ್ ಮೇಲೆ ದಾಳಿಗೈದ ಉಗ್ರರು ಹತ್ಯೆಗೈದ ಬಳಿಕ ಅವರ ಪೂರ್ವಾಪರ ಮಾಹಿತಿ ಪರಿಶೀಲಿಸಿದ ಬಾಂಗ್ಲಾ ಸೇನೆ. ಹೆಸರು ಹಾಗೂ ವಿಳಾಸದ ಗುರುತು ಆಧಾರದ ಮೇಲೆ ಸೆರೆಹಿಡಿದ ಉಗ್ರನ ವಿಚಾರಣೆ ನಡೆಸಿದ್ದಾರೆ. ಆತ ಹೇಳಿದ ಮಾಹಿತಿಯಂತೆ ಅವರೆಲ್ಲರೂ ಬಾಂಗ್ಲಾದ ನಿಷೇಧಿತ ಜಮೈತುಲ್ ಮುಜಾಹಿದ್ದೀನ್ ಸಂಘಟನೆಗೆ ಸೇರಿದವರು ಎಂದು ತಿಳಿಸಿದ್ದಾರೆ. 

ಅಲ್ಲದೇ ರಂಜಾನ್ ತಿಂಗಳಲ್ಲಿ ಈ ರೀತಿಯ ದಾಳಿ ಆಘಾತ ತಂದಿದೆ ಎಂದು ಬಾಂಗ್ಲಾ ಪ್ರಧಾನಿ ಶೇಖ್ ಹಸೀನಾ ಹೇಳಿದ್ದರು. ಭಾರತ ಸೇರಿದಂತೆ ಹಲವು ರಾಷ್ಟ್ರಗಳು ಈ ದಾಳಿಯನ್ನು ಖಂಡಿಸಿವೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ