ಕಳೆದ ವರ್ಷಗಳಿಗೆ ಹೋಲಿಸಿದರೆ 2016-17ನೇ ಸಾಲಿನಲ್ಲಿ ಸಿಆರ್`ಪಿಎಫ್ ಸೇರಿದಂತೆ ಭದ್ರತಾ ಪಡೆಗಳ ಸ್ವಯಂ ನಿವೃತ್ತಿ ಪ್ರಮಾಣ 4-5 ಪಟ್ಟು ಹೆಚ್ಚಿರುವುದಾಗಿ ಸರ್ಕಾರ ಲೋಕಸಭೆಗೆ ಮಾಹಿತಿ ನೀಡಿದೆ.
ಗೃಹ ಇಲಾಖೆಯ ರಾಜ್ಯ ಸಚಿವ ಕಿರಣ್ ರಿಜಿಜು, ಲೋಕಸಭೆಗೆ ಲಿಖಿತ ಮಾಹಿತಿ ನೀಡಿದ್ದು, ವೈಯಕ್ತಿಕ ಮತ್ತು ಕುಟುಂಬದ ಕಾರಣಗಳಿಂದಾಗಿ ವಿಆರ್`ಸ್ ಪ್ರಮಾಣ ಹೆಚ್ಚಿದೆ. ವಿಆರ್`ಎಸ್ ಮೂಲಭೂತವಾಗಿ ವೈಯಕ್ತಿಕ ಆಯ್ಕೆಯಾಗಿದೆ ಎಂದು ಸಚಿವರು ತಿಳಿಸಿದ್ದಾರೆ.
ಸಚಿವರು ನೀಡಿದ ಅಂಕಿ ಅಂಶದ ಪ್ರಕಾರ 2016-17ರಲ್ಲೇ ಸಿಆರ್`ಪಿಎಫ್, ಬಿಎಸ್ಎಫ್, ಐಟಿಬಿಪಿ, ಸಿಐಎಸ್ಎಫ್, ಎಸ್ಎಸ್ಬಿ ಮತ್ತು ಅಸ್ಸಾಂ ರೈಫಲ್ಸ್ ಸೇರಿ ಗರಿಷ್ಠ ಪ್ರಮಾಣದಲ್ಲಿ 9,065 ಯೋಧರು ವಿಆರ್`ಎಸ್ ಪಡೆದಿದ್ದಾರೆ. .2014-15ರಲ್ಲಿ 5,289 ಮತ್ತು 2015-16ರಲ್ಲಿ ಕನಿಷ್ಠ 2,105 ಯೋಧರು ವಿಆರ್`ಎಸ್ ಪಡೆದಿದ್ದರು.
ವಿಆರ್ ಎಸ್ ಪಡೆಯುವ ವೇಳೆ ಈ ಯೋಧರು ಕೌಟುಂಬಿಕ, ರಜೆ ಸಮಸ್ಯೆ, ವೃತ್ತಿಯ ನಿಶ್ಚಲತೆ, ಸಮಾನ ವೇತನ ಕೊರತೆ ಮತ್ತು ಕಷ್ಟದ ಕೆಲಸದ ಕಾರಣ ನೀಡಿ ಸ್ವಯಂ ನಿವೃತ್ತಿ ಪಡೆಯುತ್ತಿದ್ದಾರೆ ಎನ್ನುತ್ತಿವೆ ಮೂಲಗಳು.