ಮೂರನೇ ಡೋಸ್ ಕುರಿತು ಎರಡು ವಾರದಲ್ಲಿ ತೀರ್ಮಾನ

ಹೊಸ ರೂಪಾಂತರಿ ವೈರಾಣು ಆತಂಕ ಸೃಷ್ಟಿಸಿರುವ ಹಿನ್ನೆಲೆಯಲ್ಲಿ ಬೂಸ್ಟರ್ ಡೋಸ್ ನೀಡುವ ಕುರಿತು ಆದ್ಯತೆ ನೀಡಬೇಕು

ಎಂದು ತಜ್ಞರು ಎಚ್ಚರಿಸಿದ ಬೆನ್ನಲ್ಲೇ, ಎರಡು ವಾರದಲ್ಲಿ ಬೂಸ್ಟರ್ ಡೋಸ್ ನೀಡಿಕೆ ಕುರಿತು ಯೋಜನೆ ರೂಪಿಸಲು ಕೇಂದ್ರ ಸರಕಾರ ತೀರ್ಮಾನಿಸಿದೆ. 'ಬೂಸ್ಟರ್ ಡೋಸ್ ಹಾಗೂ ಹೆಚ್ಚುವರಿ ಲಸಿಕೆಗಳ ಕುರಿತು ಎರಡು ವಾರದಲ್ಲಿ ನೀತಿ ರೂಪಿಸಲಾಗುತ್ತದೆ.
ಅಲ್ಲದೆ, 18 ವರ್ಷದೊಳಗಿನ 44 ಕೋಟಿ ಜನರಿಗೂ ಲಸಿಕೆ ನೀಡಿಕೆ ಕುರಿತು ಯೋಜನೆ ತಯಾರಿಸಲಾಗುತ್ತದೆ' ಎಂದು ದೇಶದ ಕೊರೊನಾ ಟಾಸ್ಕ್ಫೋರ್ಸ್ ಮುಖ್ಯಸ್ಥ ಡಾ. ಎನ್. ಕೆ. ಅರೋರಾ ತಿಳಿಸಿದ್ದಾರೆ.