ಬಿಜೆಪಿ ಮುಖಂಡ ದಯಾಶಂಕರ್‌ ಸಿಂಗ್ ನಾಲಿಗೆ ಕತ್ತರಿಸಿದ್ರೆ 50 ಲಕ್ಷ ಬಹುಮಾನ: ಬಿಎಸ್‌ಪಿ

ಮಾಜಿ ಮುಖ್ಯಮಂತ್ರಿ ಮಾಯಾವತಿಯವರನ್ನು ವೇಶ್ಯೆಗಿಂತಲೂ ಕೀಳು ಎಂದು ಜರಿದ ಬಿಜೆಪಿ ನಾಯಕ ದಯಾಶಂಕರ್ ಸಿಂಗ್ ಅವರ ನಾಲಿಗೆಯನ್ನು ಕತ್ತರಿಸಿ ತಂದುಕೊಟ್ಟವರಿಗೆ 50 ಲಕ್ಷ ರೂ.ನಗದು ಬಹುಮಾನ ನೀಡಲಾಗುವುದು ಎಂದು ಬಿಎಸ್‌ಪಿ ನಾಯಕರು ಘೋಷಿಸಿದ್ದಾರೆ.

ಮಾಯವತಿ ವಿರುದ್ಧ ಅಸಭ್ಯ ಶಬ್ದಗಳನ್ನು ಬಳಸಿದ ಹಿನ್ನೆಲೆಯಲ್ಲಿ ಲೋಕಸಭೆ ಮತ್ತು ರಾಜ್ಯಸಭೆಯಲ್ಲಿ ಕೋಲಾಹಲ ಉಂಟಾದ ನಂತರ ಬಿಜೆಪಿ, ಈಗಾಗಲೇ ಉತ್ತರಪ್ರದೇಶ ಉಪಾಧ್ಯಕ್ಷ ದಯಾಶಂಕರ್‌ರನ್ನು ಪಕ್ಷದಿಂದ ವಜಾಗೊಳಿಸಿ ಆದೇಶ ಹೊರಡಿಸಿದೆ.

ಏತನ್ಮಧ್ಯೆ, ಬಿಎಸ್‌ಪಿ ಪಕ್ಷ ಚಂಡೀಗಢ್ ಜನ್ನತ್ ಜಹಾನ್, ದಯಾಶಂಕರ್ ನಾಲಿಗೆ ಕತ್ತರಿಸಿದವರಿಗೆ 50 ಲಕ್ಷ ರೂಪಾಯಿ ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ.  

ಬಿಜೆಪಿ ಮುಖಂಡ ದಯಾಶಂಕರ್ ನಿನ್ನೆ ಸುದ್ದಿಗಾರರೊಂದಿಗೆ ಮಾತನಾಡಿ, ವೇಶ್ಯೆಯರಂತೆ ಟಿಕೆಟ್‌ಗಳನ್ನು ಮಾರಾಟ ಮಾಡಿದ ಮಾಯಾವತಿ ಬಿಎಸ್‌ಪಿ ಸಂಸ್ಥಾಪಕ ಕಾನ್ಶಿರಾಮ್ ಅವರ ಕನಸುಗಳನ್ನು ಛಿದ್ರಗೊಳಿಸಿದ್ದಾರೆ ಎಂದು ಆರೋಪಿಸಿದ್ದರು. 

ಮಾಯಾವತಿ 1 ಕೋಟಿ ರೂಪಾಯಿಗೆ ಟಿಕೆಟ್ ನೀಡುತ್ತಾರೆ. ಒಂದು ವೇಳೆ ಮತ್ತೊಬ್ಬರು ಗಂಟೆಯ ನಂತರ ಎರಡು ಕೋಟಿ ನೀಡಿದಲ್ಲಿ ಅವರಿಗೆ ಟಿಕೆಟ್ ನೀಡುತ್ತಾರೆ. ಒಂದು ವೇಳೆ, ಸಂಜೆ  ಮೂರು ಕೋಟಿ ನೀಡಿದಲ್ಲಿ ಕೊನೆಗೆ ಟಿಕೆಟ್ ಅವರಿಗೆ ನೀಡುತ್ತಾರೆ. ಮಾಯಾವತಿ ವೇಶ್ಯೆಗಿಂತಲೂ ಕೀಳಾಗಿದ್ದಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.

ಹಜರತ್ ಗಂಜ್‌ ಜಿಲ್ಲೆಯಲ್ಲಿ ಬಹುಜನ ಸಮಾಜ ಪಕ್ಷದ ಸಾವಿರಾರು ಕಾರ್ಯಕರ್ತರು ಬೀದಿಗಿಳಿದು ಬಿಜೆಪಿ ವಿರುದ್ಧ ಘೋಷಣೆಗಳನ್ನು ಕೂಗಿದರು. ಜನರ ಆಕ್ರೋಶ ಕಂಡ ಪೊಲೀಸ್ ಅಧಿಕಾರಿಗಳಿಗೆ ಅವರನ್ನು ನಿಯಂತ್ರಿಸಲು ಹರಸಾಹಸ ಪಡಬೇಕಾಯಿತು.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.