ಕಾಂಗ್ರೆಸ್ ಪಕ್ಷದ ಮುಖ್ಯಮಂತ್ರಿಗಳು ಮೋದಿಯವರ ಜತೆ ವೇದಿಕೆಯನ್ನು ಹಂಚಿಕೊಳ್ಳುವುದನ್ನು ತಪ್ಪಿಸಿಕೊಳ್ಳಲು ಮಾಡಿರುವ ನಿರ್ಧಾರವನ್ನು ದುರಾದೃಷ್ಟಕರ ಎಂದಿರುವ ಬಿಜೆಪಿ, ಕೈ ಸಿಎಂಗಳಿಗೆ ಸಾಂವಿಧಾನಿಕ ಔಚಿತ್ಯವನ್ನು ಮೀರದಿರುವಂತೆ ನೆನಪಿಸಿದೆ.
ಅಲ್ಲದೇ ಪ್ರಧಾನಿ ಮೋದಿಯವರ ಬಗ್ಗೆ ಜನಸಾಮಾನ್ಯರ ನಡುವೆ ಇರುವ ಜನಪ್ರಿಯತೆಯ ಕಾರಣದಿಂದ ಎದುರಾಗುತ್ತಿರುವ ಸಂಕೀರ್ಣತೆಗೆ ಬಲಿಯಾಗಬೇಡಿ ಎಂದು ಕಾಂಗ್ರೆಸ್ ಸಿಎಂಗಳಿಗೆ ಸಲಹೆ ನೀಡಿರುವ ಕೇಸರಿ ಪಕ್ಷ , ಮೋದಿಯವರ ಜತೆ ವೇದಿಕೆಯನ್ನು ತಿರಸ್ಕರಿಸಲು ಕಾಂಗ್ರೆಸ್ ನಿರ್ಧರಿಸಬಹುದು. ಆದರೆ ಆದರೆ ಮೋದಿಯವರ ಉತ್ತಮ ಸರಕಾರ ಮತ್ತು ಅಭಿವೃದ್ಧಿಯ ಮಂತ್ರಗಳನ್ನು ಅವರು ನಿರ್ಲಕ್ಷಿಸಲಾಗುವುದಿಲ್ಲ ಎಂದಿದೆ.
ತಮ್ಮ ಅಭಿಪ್ರಾಯಗಳನ್ನು ಸಾರ್ವಜನಿಕವಾಗಿ ಹೇಳುವ ಜನರನ್ನು ಪ್ರಧಾನಿ ತಡೆದು ನಿಲ್ಲಿಸಲಾಗದು. ಈ ರೀತಿಯ ಋಣಾತ್ಮಕ ರಾಜಕೀಯ ಕಾಂಗ್ರೆಸ್ ಪಾಲಿಗೆ ಸಹಾಯಕಾರಿಯಲ್ಲ ಎಂದು ಹೇಳಿದೆ.