ವಿಶಿಷ್ಠ ರೀತಿಯ ಡಿಸ್ಪ್ಲೇಗಳನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸುವಲ್ಲಿ ಮುಂಚೂಣಿಯಲ್ಲಿರುವ ಆಪಲ್ ಕಂಪೆನಿ, ರೆಟಿನಾ ಎಚ್ಡಿ ಡಿಸ್ಪ್ಲೇ ಹೊಂದಿರುವ ಎರಡು ಫೋನ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ.
4.7-ಇಂಚಿನ ಐಫೋನ್ 6 ಮಾದರಿ 137.5x67x7 ಎಂಎಂ ನಷ್ಟು ಡೈಮೆನ್ಶನ್ ಅನ್ನು ಬೆಂಬಲಿಸುತ್ತದೆ, ಐಫೋನ್ 5S 123.8x58.6x7.6 ಎಂಎಂ ಆಗಿದ್ದು ದೊಡ್ಡ ಡಿಸ್ಪ್ಲೇ ಐಫೋನ್ 6 ಗೆ ಹೆಚ್ಚಿನ ಮೌಲ್ಯವನ್ನು ಒದಗಿಸಲಿದೆ. ಐಫೋನ್ 6 ಪ್ಲಸ್ ಮಾದರಿಯ ಫೋನ್ 5.5 ಇಂಚ್ ಡಿಸ್ಪ್ಲೇ ಹೊಂದಿದೆ
ಐಫೋನ್ 6 ಪ್ಲಸ್ ಮೊಬೈಲ್ 5.5 ಇಂಚ್ ಡಿಸ್ಪ್ಲೇ 1920 x 1080 ಪಿಕ್ಸಲ್ ರೆಸ್ಯೂಲುಶನ್ ಹೊಂದಿದೆ. ಮೊಬೈಲ್ನ ದಪ್ಪ ಕೇವಲ 7.1 ಎಂಎಂ ಗಾತ್ರದಲ್ಲಿದೆ. ಆಪಲ್ ಕಂಪೆನಿ ಐಫೋನ್ 6 ಪ್ಲಸ್ ಸುಲಭವಾಗಿ ಕಾರ್ಯನಿರ್ವಹಿಸಲು ಲ್ಯಾಂಡ್ಸ್ಕೇಪ್ ಮೋಡ್ ಬಟನ್ ಅಳವಡಿಸಿದೆ.
ಐಫೋನ್ 6 ಮಾದರಿಯ ಫೋನ್ 4.7 ಇಂಚ್ ಡಿಸ್ಪ್ಲೇಯೊಂದಿಗೆ 1334 x 750 ಪಿಕ್ಸಲ್ ರೆಸ್ಯೂಲುಶನ್ ಹೊಂದಿದ್ದು 6.8 ಎಂಎಂ ತೆಳುವಾಗಿದೆ.
ಟ್ರ್ಯೂಟೋನ್ ಫ್ಲ್ಯಾಶ್ನೊಂದಿಗೆ 1.5 ಮೈಕ್ರಾನ್ ಪಿಕ್ಸಲ್ಸ್ನ ರಿಯರ್ ಕ್ಯಾಮರಾ ಹೊಂದಿದೆ. ಕ್ಯಮಾರಾ ಮತ್ತು ವಿಡಿಯೋದಲ್ಲಿ ಅಟೋಫೋಕಸ್ ಸಾಧನ ಅಳವಡಿಸಲಾಗಿದ್ದು, ಯಾಂತ್ರಿಕವಾಗಿ ಕಾರ್ಯನಿರ್ವಹಿಸಲಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ.