ಪಾಕಿಸ್ತಾನದ ರಾಯಬಾರಿ ಅಬ್ದುಲ್ ಬಾಸಿತ್ ಬಾಲಿವುಡ್ ಹಿರಿಯ ನಟ ಅನುಪಮ್ ಖೇರ್‌ಗೆ ಕರೆ ಮಾಡಿ ನಡೆದ ಘಟನೆಗೆ ವಿಷಾದ ವ್ಯಕ್ತಪಡಿಸಿ, ವೀಸಾ ನೀಡಲು ಸಿದ್ದ ಎಂದು ನೀಡಿದ ಆಹ್ವಾನವನ್ನು ನಟ ಖೇರ್ ತಿರಸ್ಕರಿಸಿದ್ದಾರೆ.
ಮಾಧ್ಯಮಗಳ ಪ್ರಕಾರ ಬಾಸಿತ್ ಮಾತನಾಡಿ, ಸಂಪರ್ಕದ ಕೊರತೆ ಮತ್ತು ಗೊಂದಲದಿಂದಾಗಿ ವೀಸಾ ನಿರಾಕರಣೆಯಂತಹ ಘಟನೆ ನಡೆದಿದೆ. ನಟ ಖೇರ್ ಅರ್ಜಿ ಸಲ್ಲಿಸಿದಲ್ಲಿ ಪಾಕಿಸ್ತಾನದ ವೀಸಾ ನೀಡುವುದಾಗಿ ಭರವಸೆ ನೀಡಿದ್ದಾರೆ.
ಏತನ್ಮಧ್ಯೆ, ಖೇರ್, ಬಾಸಿತ್ ಆಹ್ವಾನವನ್ನು ತಿರಸ್ಕರಿಸಿ ತಾವು ಇತರ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುತ್ತಿರುವುದರಿಂದ ಪಾಕಿಸ್ತಾನಕ್ಕೆ ತೆರಳಲು ಸಮಯವಿಲ್ಲ ಎಂದು ತಿರುಗೇಟು ನೀಡಿದ್ದಾರೆ.
ಕರಾಚಿ ಸಾಹಿತ್ಯ ಹಬ್ಬದಲ್ಲಿ ಪಾಲ್ಗೊಳ್ಳಲು ಒಟ್ಟು ಜನರಿಗೆ ಆಹ್ವಾನ ನೀಡಲಾಗಿತ್ತು. ಅದರಲ್ಲಿ 17 ಜನರಿಗೆ ಪಾಕ್ ವೀಸಾ ನೀಡಲಾಗಿತ್ತು, ಆದರೆ, ನಟ ಅನುಪಮ್ ಖೇರ್‌ಗೆ ಮಾತ್ರ ವೀಸಾ ನಿರಾಕರಿಸಲಾಗಿತ್ತು.