ಮಾನವ ಹಕ್ಕು ಉಲ್ಲಂಘನೆ ವಿಷಯಕ್ಕೆ ಸಂಬಂಧಿಸಿದಂತೆ ಬಾಲಿವುಡ್‌ನ ಖ್ಯಾತ ನಟ ಅಮಿತಾ ಬಚ್ಚನ್ ಅವರಿಗೆ
ಅಮೆರಿಕಾದ ಲಾಸ್ ಏಂಜಲೀಸ್ ಫೆಡರಲ್ ನ್ಯಾಯಾಲಯ ಸಮನ್ಸ್ ಜಾರಿಗೊಳಿಸಿದೆ.
ಈ ಸಮನ್ಸ್ ಪ್ರತಿಯನ್ನು ಬಚ್ಚನ್ ಅವರಿಗೆ ಅವರ ನಿರ್ವಹಣಗಾರ ಡೇವಿಡ್ ಎ ಅಂಗರ್ ಅವರು ರವಾನಿಸಿದ್ದಾರೆ. ಇನ್ನು ಬಚ್ಚನ್ ವಿರುದ್ಧ ನ್ಯೂಯಾರ್ಕ್ ಸಿಖ್ ಸಮುದಾಯ(ಎಸ್ಎಫ್‌ಜೆ)ವು ಫೆ.23 ರಂದು ದೂರು ದಾಖಲಿಸಿತ್ತು.
1984ರಲ್ಲಿ ಚಿತ್ರವೊಂದರ ಚಿತ್ರೀಕರಣಕ್ಕಾಗಿ ಕೋಲ್ಕತ್ತಾಗೆ ತೆರಳಿದ್ದ ಬಚ್ಚನ್, ರಕ್ತಕ್ಕಾಗಿ ರಕ್ತ(Blood for blood) ಎಂಬ ಹೇಳಿಕೆ ನೀಡಿದ್ದರು. ಈ ಮೂಲಕ ಬಚ್ಚನ್ ಸಿಖ್ ಸಮುದಾಯದ ವಿರುದ್ಧ ಹಿಂಸೆಯನ್ನು ಪ್ರಚೋದಿಸಿದ್ದಾರೆ ಎಂದು ಆರೋಪಿಸಿ ಬಚ್ಚನ್ ವಿರುದ್ಧ ಎಸ್ಎಫ್‌ಜೆ ದೂರು ದಾಖಲಿಸಿದೆ.
ಪ್ರಕರಣದ ಹಿನ್ನೆಲೆ: ಅಮಿತಾ ಬಚ್ಚನ್ ಅವರು ಚಿತ್ರವೊಂದರ ಚಿತ್ರೀಕರಣಕ್ಕಾಗಿ ಕೋಲ್ಕತ್ತಾಗೆ ತೆರಳಿದ್ದರು. ಆ ವೇಳೆ ಬಚ್ಚನ್ ಅವರೊಂದಿಗೆ ಮಾತನಾಡಿದ್ದ ಅವರ ಅಭಿಮಾನಿಗಳು ನಿಮ್ಮ ಬ್ಲಾಗ್‌ನಲ್ಲಿ 'ಚಾರ್ಚಾರಸ್ ಬೇಜಾ ಫ್ರೈ' ಇದೆ ಎಂದು ಪ್ರತಿಕ್ರಿಯಿಸಿದ್ದರು. ಬಳಿಕ ಆ ಬಗ್ಗೆ ನಕ್ಕಿದ್ದ ಬಚ್ಚನ್, ಲಾಸ್ ಏಂಜಲೀಸ್ ನಗರದ ಮಾಜಿ ಮೇಯರ್ ಅವರಿಂದ ರಾಜಕೀಯ ಪಾಂಡಿತ್ಯ ಪಡೆಯುತ್ತಿದ್ದೇನೆ ಎಂದು ಹೇಳಿ ನಕ್ಕಿದ್ದರು. ಆದರೆ ಪ್ರಸ್ತುತ ಮಾತನಾಡುತ್ತಿರುವ ಅವರು ನಾನು ಹಾಗೆ ಪ್ರತಿಕ್ರಿಯಿಸಿಲ್ಲ ಎಂದು ಒಪ್ಪಿಕೊಳ್ಳಲು ನಿರಾಕರಿಸುತ್ತಿದ್ದಾರೆ ಎಂದು ಆರೋಪಿಸಲಾಗಿದ್ದು, ಈ ಹಿನ್ನೆಲೆಯಲ್ಲಿ '360 ಗ್ರೂಪ್'ನ ಸಹ ನಿರ್ಮಾಪಕರಾಗಿರುವ ಅಂಗರ್ ಪ್ರಕರಣದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ ಎನ್ನಲಾಗಿದೆ.
ಕೋರ್ಟ್‌ನ ನಿಯಮಾವಳಿಗಳ ಪ್ರಕಾರ, ಮಾನವ ಹಕ್ಕು ಉಲ್ಲಂಘನೆಗೆ ಸಂಬಂಧಿಸಿದಂತೆ ಸಮನ್ಸ್ ಜಾರಿಯಾದ ದಿನದಿಂದ 21 ದಿನಗಳ ಒಳಗೆ ಉತ್ತರಿಸಬೇಕಿದೆ. ಈ ಹಿನ್ನೆಲೆಯಲ್ಲಿ ಬಚ್ಚನ್ ಕೂಡ ತಮ್ಮ ಪ್ರಕರಣ ಸಂಬಂಧ ಮಾರ್ಚ್ 17ರ ಒಳಗೆ ಪ್ರತಿಕ್ರಿಯಿಸಬೇಕಿದೆ. ಇಲ್ಲವಾದಲ್ಲಿ ಪ್ರಕರಣ ಸಂಬಂಧ ಪೂರ್ವ ನಿಯೋಜಿತ ತೀರ್ಪನ್ನು ನೀಡಲು ಕೋರ್ಟ್ ಮುಂದಾಗಲಿದೆ ಎಂದು ಕೋರ್ಟ್ ತಿಳಿಸಿದೆ.
ಬಚ್ಚನ್ ಅವರ ಈ ಹೇಳಿಕೆಯಿಂದ 1984ರಲ್ಲಿ ಸಿಖ್ ಸಮುದಾಯದ ಸಾವಿರಾರು ನಿರಾಪರಾಧಿಗಳ ಜೀವದ ಮೇಲೆ ಗಾಢ ಪರಿಣಾಮ ಬೀರಿತ್ತು. ಈ ಹಿನ್ನೆಲೆಯಲ್ಲಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಂಢ ವಿಧಿಸಬಹುದಾಗಿದೆ ಎಂದು ಎಸ್ಎಫ್‌ಜೆ ಕಾನೂನು ಸಲಹೆಗಾರ ಗುರ್ಪಾತ್ವಾನ್ ಸಿಂಗ್ ಪಣ್ಣುನ್ ಅವರು ಆರೋಪಿಸಿದ್ದಾರೆ.