ಇತ್ತೀಚಿಗೆ ಪಕ್ಷದ ಮಹಿಳಾ ವಿಭಾಗವನ್ನು ಪ್ರಾರಂಭಿಸಿದ್ದ ಆಮ್ ಆದ್ಮಿ ಪಕ್ಷ ಇದೀಗ ಯುವ ವಿಭಾಗವನ್ನು ಪ್ರಾರಂಭಿಸುವ ದಿಶೆಯಲ್ಲಿದೆ.
ಆಪ್ ಯುವ ವಿಭಾಗವನ್ನು ಕ್ರಾಂತಿಕಾರಿ, ಹುತಾತ್ಮ ಭಗತ್ ಸಿಂಗ್ 107 ನೇ ಜನ್ಮ ದಿನಾಚರಣೆಯಂದು( ಸೆಪ್ಟಂಬರ್ 27) ಔಪಚಾರಿಕವಾಗಿ ಪ್ರಾರಂಭಿಸಲಾಗುವುದು ಎಂದು ಆಪ್ ತಿಳಿಸಿದೆ.
ಕಳೆದ ತಿಂಗಳು ಪಕ್ಷ ಮಹಿಳಾ ಘಟಕವನ್ನು ಪ್ರಾರಂಭಿಸಿತ್ತು.
ಆಮ್ ಆದ್ಮಿ ಪಕ್ಷದ ಯುವ ವಿಭಾಗ ಮಹಿಳಾ ರಕ್ಷಣೆ, ನಿರುದ್ಯೋಗ ಮತ್ತು ಯುವ ಜನಾಂಗ ಮತ್ತು ದೇಶದ ವಿದ್ಯಾರ್ಥಿಗಳ ಹಿತರಕ್ಷಣೆ ವಿಷಯದಲ್ಲಿ ಗಮನವನ್ನು ನೀಡಲಿದೆ ಎಂದು ಪಕ್ಷ ಹೇಳಿದೆ.
35 ವರ್ಷದೊಳಗಿನ ಯುವ ಪುರುಷರು ಮತ್ತು ಮಹಿಳೆಯರನ್ನು ಆಪ್ ಯುವ ವಿಭಾಗದ ಸದಸ್ಯರಾಗಿ ಆಯ್ಕೆ ಮಾಡಲಾಗುವುದು ಎಂದು ಪಕ್ಷದ ಮೂಲಗಳು ತಿಳಿಸಿವೆ.
ವಿಭಾಗದ ದೆಹಲಿ ಘಟಕವನ್ನು ತಿಲಕ್ ನಗರ್ ಶಾಸಕ ಜರ್ನಲ್ ಸಿಂಗ್ ಮುನ್ನಡೆಸಲಿದ್ದಾರೆ ಎಂದು ಪಕ್ಷದ ಮೂಲಗಳು ತಿಳಿಸಿವೆ.
