ಹೃದಯವಿದ್ರಾವಕ: ಆಟವಾಡಲು ಕಾರ್ ಒಳಹೊಕ್ಕಿದವ ಶವವಾದ

ನಾಪತ್ತೆಯಾಗಿದ್ದ ಪುಟ್ಟ ಬಾಲಕ ಕಾರ್ ಒಳಗಡೆ ಶವವಾಗಿ ಪತ್ತೆಯಾದ ದಾರುಣ ಘಟನೆ ಸೂರತ್‌ನಲ್ಲಿ ನಡೆದಿದೆ. 

ಜೂನ್ 13 ರಂದು ಈ ಘಟನೆ ನಡೆದಿದ್ದು ನಾಲ್ಕು ದಿನಗಳ ಬಳಿಕ ಅಂದರೆ ಶುಕ್ರವಾರ ಬಾಲಕನ ಶವ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಅಲ್ಲೇ ಹತ್ತಿರದ ಕಟ್ಟಡದಲ್ಲಿ ಅಳವಡಿಸಲಾಗಿದ್ದ ಸಿಸಿ ಕ್ಯಾಮರಾ ದೃಶ್ಯಾವಳಿಗಳನ್ನು ನೋಡಿದಾಗ ಘಟನೆಯ ವಿವರ ದೊರೆತಿದೆ.

ಘಟನೆಯ ವಿವರ: ಬಾಲಕನೋರ್ವ ತನ್ನ ಮನೆ ಮುಂದೆ ಆಟವಾಡುತ್ತಿದ್ದಾಗ ವ್ಯಕ್ತಿಯೋರ್ವ ಕಾರ್ ತಂದು ತನ್ನ ಮನೆ ಮುಂದೆ ನಿಲ್ಲಿಸಿದ್ದಾನೆ. ಕಾರ್ ನೋಡಿದ್ದೇ ಓಡಿ ಬಂದ ಬಾಲಕ ಡೋರ್ ತೆಗೆದು ಒಳ ಹೋಗಿ ಬಾಗಿಲು ಹಾಕಿಕೊಂಡಿದ್ದಾನೆ. ಆತ ಒಳಗಿರುವುದನ್ನು ನೋಡದೆ ಕಾರ್ ಮಾಲಿಕ್ ಸೆಂಟ್ರಲ್ ಲಾಕ್ ಹಾಕಿ ಮನೆಗೆ ಹೋಗಿದ್ದಾನೆ.

ಸಂಜೆಯಾದರೂ ಮಗ ಮನೆಗೆ ಬಂದಿಲ್ಲವೆಂದು ಬಾಲಕನ ಪೋಷಕರು ಸುತ್ತಲೆಲ್ಲ ಹುಡುಕಾಡಿ ಕೊನೆಗೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.ಆದರೆ ಆತ ಎಲ್ಲೂ ಪತ್ತೆಯಾಗಿರಲಿಲ್ಲ. 

ನಾಲ್ಕು ದಿನಗಳ ಬಳಿಕ ನಿಲ್ಲಿಸಿದ್ದ ಕಾರ್‌ನಿಂದ ಕೆಟ್ಟ ವಾಸನೆ ಹೊರಬರತೊಡಗಿದೆ. ಆಗ ಕಾರ್ ಸುತ್ತ ನೆರೆದ ಜನರು ಲಾಕ್ ತೆಗೆಸಿದಾಗ ಕಂಡ ದೃಶ್ಯ ಘೋರವಾಗಿತ್ತು. ಆಟವಾಡುತ್ತ ಕಾರ್ ಒಳ ಸೇರಿದ್ದ ಬಾಲಕ ಉಸಿರುಗಟ್ಟಿ ಅಲ್ಲೇ ಸಾವನ್ನಪ್ಪಿದ್ದ. ಆತನ ದೇಹ ಕೊಳೆತು ವಾಸನೆ ಬರುತ್ತಿತ್ತು. 

ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು ಮುದ್ದು ಮಗನನ್ನು ಕಳೆದುಕೊಂಡ ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.