ಕಾಮೋದ್ರೇಕವಾಗಿ ಬಳಸಲಾಗುತ್ತೆ ಎನ್ನಲಾಗುವ ಕೋಟ್ಯಂತರ ರೂಪಾಯಿ ಮೌಲ್ಯದ 33,000 ಕೆ.ಜಿ ಗಿಡಮೂಲಿಕೆಯನ್ನ ಮುಂಬೈ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಕಸ್ಟಮ್ಸ್ ಅಧಿಕಾರಿಗಳ ಖಚಿತ ಮಾಹಿತಿ ಮೇರೆಗೆ ಈ ದಾಳಿ ನಡೆದಿದೆ.
ಜಮ್ಮು ಮತ್ತು ಕಾಶ್ಮೀರ, ಉತ್ತರಾಖಂಡ್, ಹಿಮಾಚಲಪ್ರದೇಶ ಮತ್ತು ಚೀನಾ, ಪಾಕಿಸ್ತಾನದ ಕೆಲವೆಡೆ ಮಾತ್ರ ಸ್ವಾಭಾವಿಕವಾಗಿ ಬೆಳೆಯುವ ಈ ಗಿಡ ಮೂಲಿಕೆಯನ್ನ ಸೌಸ್ಸುರಿಯಾ ಕಾಕ್ಟಸ್ ಅಥವಾ ಕುತ್ ಎಂದು ಕರೆಯಲಾಗುತ್ತೆ. ಹಿಮಾಲಯ ಪರ್ವತದ ಸಮುದ್ರ ಮಟ್ಟದಿಂದ 8000ರಿಂದ 12000 ಅಡಿ ಎತ್ತರದ ಶೀತ ಪ್ರದೇಶದಲ್ಲಿ ಮಾತ್ರ ಈ ಗಿಡಮೂಲಿಕೆ ಬೆಳೆಯುತ್ತೆ. ಭಾರತ ಸರ್ಕಾರ ಈ ಗಿಡಮೂಲಿಕೆಯನ್ನ ಅಳಿವಿನಂಚಿನಲ್ಲಿರುವ ಸಸ್ಯ ಪ್ರಭೇದವೆಂದು ಘೋಷಿಸಿದೆ.
ಕಾಮೋದ್ರೇಕದ ಜೊತೆ ಅಸ್ತಮಾ, ಸಂಧಿವಾತ, .ಆಯುರ್ವೇದ, ಸುಗಂಧ ದ್ರವ್ಯ ಮುಂತಾದ ಉತ್ಪನ್ನಗಳಿಗೆ ಬಳಸಲಾಗುತ್ತೆ. ನವದೆಹಲಿ, ಅಮೃತಸರದ ಉದ್ಯಮಿಗಳು ಚೀನಾದಿಂದ ಈ ಅಮೂಲ್ಯ ಗಿಡಮೂಲಿಕೆಯನ್ನ ಆಮದು ಮಾಡಿದ್ದರು ಎಂದು ತಿಳಿದುಬಂದಿದೆ. ಪುಷ್ಪಕಮೂಲ ಎಂಬ ಹೆಸರಿನಲ್ಲಿ ಅಮೃತಸರದಲ್ಲಿ ಇದನ್ನ ಮಾರಲಾಗುತ್ತೆ ಎಂಬ ಮಾಹಿತಿ ಇದೆ. ಈ ಕಂತುಗಳಲ್ಲಿ ಈ ಗಿಡಮೂಲಿಕೆಯನ್ನ ಸಮುದ್ರ ಮಾರ್ಗದ ಮೂಲದ ತರಿಸಿಕೊಳ್ಲಲಾಗಿದೆ. ಗಿಡಮೂಲಿಕೆಯ ಸ್ಯಾಂಪಲನ್ನ ಪ್ರಯೋಗಾಲಯಕ್ಕೆ ಕಳುಹಿಸಿರುವ ಪೊಲೀಸರು, ಇದರ ಹಿಂದಿರುವ ಉದ್ಯಮಿಗಳ ಬೇಟೆಗೆ ಬಲೆ ಬೀಸಿದ್ದಾರೆ.
