ಬೀದಿನಾಯಿಗಳಿಗೆ ಬಲಿಯಾದ 3 ವರ್ಷದ ಬಾಲೆ

ಮೂರು ವರ್ಷದ ಪುಟ್ಟ ಮಗುವೊಂದು ಬೀದಿನಾಯಿಗಳ ದಾಳಿಗೆ ಬಲಿಯಾದ ದಾರುಣ ಘಟನೆ ಆಂಧ್ರದ ಕೃಷ್ಣಾ ಜಿಲ್ಲೆಯಲ್ಲಿ ನಡೆದಿದೆ. 

ಮೃತ ಬಾಲೆಯನ್ನು ಜಿಲ್ಲೆಯ ವೇಮುಲಪಲ್ಲಿ ನಿವಾಸಿಯಾಗಿದ್ದ ಕಾಮಾ ಅನನ್ಯಾ ಎಂದು ಗುರುತಿಸಲಾಗಿದೆ. ಗ್ರಾಮದ ಹೊರವಲಯದಲ್ಲಿ ಈ ಘಟನೆ ನಡೆದಿದ್ದು ಬಾಲಕಿ ತನ್ನ ಮನೆಯ ಮುಂದೆ ಆಟವಾಡುತ್ತಿದ್ದಾಗ ದಾಳಿ ನಡೆಸಿದ ನಾಯಿಗಳ ಗುಂಪು ಆಕೆಯನ್ನು ಸಮೀಪದ ಹೊಲದ ಬಳಿ ಎಳೆದೊಯ್ದು  ದೇಹವನ್ನು ಹರಿದು ತುಂಡು ತುಂಡಾಗಿಸಿವೆ.

ಮಗುವಿನ ಆಂಕ್ರದನವನ್ನು ಕೇಳಿದ ನೆರೆಹೊರೆಯವರು ಸ್ಥಳಕ್ಕೆ ಧಾವಿಸಿ ನಾಯಿಗಳನ್ನು ಓಡಿಸಿದ್ದಾರೆ. ಆದರೆ ಪುಟ್ಟ ಬಾಲಕಿ ಅದಾಗಲೇ ಪ್ರಾಣ ಬಿಟ್ಟಿಯಾಗಿತ್ತು. ಆಕೆಯ ದೇಹದ ತುಂಡುಗಳು ಹೊಲದಲ್ಲೆದ್ದ ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದು ಘಟನೆಯ ಭೀಕರತೆಗೆ ಸಾಕ್ಷಿಯಾಗಿದ್ದವು. 

ದಿನಗೂಲಿ ಕಾರ್ಮಿಕರಾಗಿರುವ ಮಗುವಿನ ಪೋಷಕರು ಘಟನೆಯಿಂದ ತೀವ್ರ ಆಘಾತಕ್ಕೆ ಒಳಗಾಗಿದ್ದಾರೆ. 

ಈ ಭಯಾನಕ ಘಟನೆಯ ನಂತರ ಆಕ್ರೋಶಗೊಂಡ ಗ್ರಾಮಸ್ಥರು ಕ್ರೂರ ನಾಯಿಗಳಿಗಾಗಿ ಹುಡುಕಾಟ ನಡೆಸಿದ್ದಾರೆ.