ಇರಾನ್ ಜೈಲು ಸೇರಿದ್ದ 15 ಮೀನುಗಾರರ ಬಿಡುಗಡೆ: ಸುಷ್ಮಾ ಸ್ವರಾಜ್

ಅಂತಾರಾಷ್ಟ್ರೀಯ ಜಲ ಗಡಿ ದಾಟಿದ ಆರೋಪದಲ್ಲಿ ಇರಾನ್ ಭದ್ರತಾ ಪಡೆಗಳಿಂದ ಬಂಧನಕ್ಕೊಳಗಾಗಿ ಇರಾನ್ ಜೈಲು ಸೇರಿದ್ದ 15 ಮಂದಿ ತಮಿಳುನಾಡಿನ ಮೀನುಗಾರರನ್ನ ಇವತ್ತು ಬಿಡುಗಡೆಗೊಳಿಸಲಾಗಿದೆ.

ಈ ಕುರಿತು, ಟ್ವಿಟ್ ಮಾಡಿರುವ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್, ಇರಾನ್ ದೇಶ ನಮ್ಮ 15 ಮೀನುಗಾರರನ್ನ ಬಿಡುಗಡೆಗೊಳಿಸಿರುವ ಸುದ್ದಿ ತಿಳಿಸಲು ಸಂತಸವಾಗುತ್ತಿದೆ ಎಂದು ತಿಳಿಸಿದ್ದಾರೆ. ಬಹ್ರೇನ್`ನಲ್ಲಿ ಕೆಲಸ ಮಾಡುತ್ತಿದ್ದ ಅವರನ್ನ 3 ಬಹ್ರೇನಿ ಬೋಟ್`ಗಳ ಸಮೇತ ವಶಕ್ಕೆ ಪಡೆದುಕೊಳ್ಳಲಾಗಿತ್ತು.

ಕಳೆದ ವರ್ಷ ಅಕ್ಟೋಬರ್ 22ರಂದೇ ಬಂಧಿಸಲಾಗಿದ್ದು, ಕಳೆದ ತಿಂಗಳು ಡಿಎಂಕೆ ಎಂಪಿ ತಿರುಚ್ಚಿ ಸಿವಾ, ರಾಜ್ಯಸಭೆಯಲ್ಲಿ ವಿಷಯ ಪ್ರಸ್ತಾಪಿಸಿ ಗಮನ ಸೆಳೆದಿದ್ದರು.

ಒಟ್ಟು 37 ಮಂದಿ ಇರಾನ್ ಸರ್ಕಾರದ ವಶದಲ್ಲಿದ್ದು, 5 ಮಂದಿ ಸೌದಿ ಅರೇಬಿಯಾದಲ್ಲಿ, 15 ಮಂದಿ ಬಹ್ರೇನಿನಲ್ಲಿ, ಇನ್ನುಳಿದವರು ದುಬೈನಲ್ಲಿ ಕೆಲಸಮಾಡುತ್ತಿದ್ದರು ಎಮದು ಸಿವಾ ತಿಳಿಸಿದ್ದಾರೆ.