ಮಹಾರಾಷ್ಟ್ರದ ರಾಯಗಡ ಜಿಲ್ಲೆಯ ಪ್ರಸಿದ್ಧ ಮುರುಡ್–ಜಂಜಿರಾ ಬೀಚ್ಗೆ ಈಜಲು ತೆರಳಿದ್ದ ಪುಣೆ ಕಾಲೇಜಿನ 14 ವಿದ್ಯಾರ್ಥಿಗಳು ಜಲಸಮಾಧಿಯಾಗಿದ್ದಾರೆ. . 10ರಿಂದ 12 ವಿದ್ಯಾರ್ಥಿಗಳು ನಾಪತ್ತೆಯಾಗಿದ್ದು ಸಾವಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ತಿಳಿದು ಬಂದಿದೆ.
ಮೃತರು ಪುಣೆಯ ಅಬೆದಾ ಇನಾಂದಾರ್ ಕಾಲೇಜಿನಲ್ಲಿ ಬಿಎಸ್ಸಿ ಮತ್ತು ಬಿಸಿಎ ಕಂಪ್ಯೂಟರ್ ವಿಜ್ಞಾನದ ವಿದ್ಯಾರ್ಥಿಗಳಾಗಿದ್ದು 18ರಿಂದ 20 ವಯಸ್ಸಿನವರಾಗಿದ್ದಾರೆ. ಒಟ್ಟು 155 ವಿದ್ಯಾರ್ಥಿಗಳು ಮೂರು ಬಸ್ಗಳಲ್ಲಿ ಈ ಬೀಚ್ಗೆ ಬಂದಿದ್ದರು ಎಂದು ಹೇಳಲಾಗುತ್ತಿದೆ.
ಪೊಲೀಸ್ ಇಲಾಖೆಯ ಮುಳುಗುಗಾರರು, ಭಾರತೀಯ ನೌಕಾಪಡೆ ಹಾಗೂ ತೀರ ರಕ್ಷಣಾಪಡೆಗೆ ಸೇರಿದ ಒಂದು ಚೇತಕ್ ಹಾಗೂ ಸ್ಪೀಡ್ ಬೋಟ್ ಮುಖಾಂತರ ನಾಪತ್ತೆಯಾದವರ ಶೋಧಕಾರ್ಯ ಮುಂದುವರೆಸಲಾಗಿದೆ.