ಇಂದು ತಮ್ಮ 65 ನೇ ವರ್ಷದ ಹುಟ್ಟುಹಬ್ಬವನ್ನಾಚರಿಸಿಕೊಳ್ಳುತ್ತಿರುವ ಬಿಹಾರ್ ಮುಖ್ಯಮಂತ್ರಿ, ತಮ್ಮ ರಾಜಕೀಯ ಕಡು ವೈರಿ ನಿತೀಶ್ ಕುಮಾರ್ ಅವರಿಗೆ ಪ್ರಧಾನಿ ಮೋದಿ ಶುಭಾಶಯ ಕೋರಿದ್ದಾರೆ.
ಬಿಹಾರ್ ಸಿಎಂ ನಿತೀಶ್ ಕುಮಾರ್ ಅವರಿಗೆ ಹುಟ್ಟು ಹಬ್ಬದ ಶುಭಾಸಯಗಳು. ದೇವರು ಅವರಿಗೆ ಆರೋಗ್ಯಕರ ದೀರ್ಘ ಬದುಕನ್ನು ದಯಪಾಲಿಸಲಿ ಎಂದು ಪ್ರಧಾನಿ ಟ್ವೀಟ್ ಮಾಡಿದ್ದಾರೆ.
ಪ್ರಧಾನಿ ಹಾರೈಕೆಗೆ ನಿತೀಶ್ ಕುಮಾರ್ ಹೇಗೆ ಪ್ರತಿಕ್ರಿಯಿಸುತ್ತಾರೆ ಎಂಬುದು ಕುತೂಹಲ ಕೆರಳಿಸಿದೆ.
ಕೊನೆಯ ಪಕ್ಷ ಮೂರನೆಯ ಬಜೆಟ್ನಲ್ಲಾದರೂ ಮೋದಿ ಸರ್ಕಾರಕ್ಕೆ ರೈತರು, ಗ್ರಾಮೀಣ ಕ್ಷೇತ್ರ ಮತ್ತು ಸಾಮಾಜಿಕ ವಲಯದ ನೆನಪಾಯಿತಲ್ಲ ಎಂದು ನಿತೀಶ್ ನಿನ್ನೆ ತಾನೇ ವ್ಯಂಗ್ಯವಾಡಿದ್ದರು.
ಬಿಹಾರದ 22ನೆಯ ಮುಖ್ಯಮಂತ್ರಿಯಾಗಿರುವ ನಿತೀಶ್ ಬಿಹಾರದ ಭಕ್ತಿಯಾರ್ಪುರದಲ್ಲಿ ಮಾರ್ಚ್ 1, 1951ರಲ್ಲಿ ಜನಿಸಿದ್ದರು.