ಹಿರಿಯ ಮಹಿಳಾ ಐಎಎಸ್‌ ಅಧಿಕಾರಿಯೊಬ್ಬರಿಗೆ ಮಧ್ಯಪ್ರದೇಶದ ಸ್ಥಳೀಯ ನ್ಯಾಯಾಲಯವು ಐದು ವರ್ಷಗಳ ಕಠಿಣ ಶಿಕ್ಷೆಯನ್ನು ವಿಧಿಸಿದೆ. ಜೊತೆಗೆ 50 ಲಕ್ಷ ರೂಪಾಯಿಗಳನ್ನು ದಂಡ ವಿಧಿಸುವುದರ ಮೂಲಕ ಮಹತ್ತರವಾದ ತೀರ್ಪನ್ನು ಮಧ್ಯಪ್ರದೇಶದ ನ್ಯಾಯಾಲಯ ನೀಡಿದೆ.
1999-2000 ರಲ್ಲಿ 34 ಲಕ್ಷ ರೂಪಾಯಿಗಳ ಮುದ್ರಣ ಮತ್ತು ಖರೀದಿ ಹಗರಣಕ್ಕೆ ಸಂಬಂಧಿಸಿದಂತೆ ಶಶಿ ಕರ್ಣಾವತ್‌ ಅವರಿಗೆ ನ್ಯಾಯಾಲಯ ಬಂಧನದ ವಾರೆಂಟ್‌ ಹೊರಡಿಸಿದೆ. ಶಶಿ ಕರ್ಣಾವತ್‌ ಅವರು 1999 - 2000 ರಲ್ಲಿ ಯಾವುದೇ ರೀತಿಯ ಟೆಂಡರ್‌ ಕರೆಯದೇ, ಮುದ್ರಣ ಮತ್ತು ಖರೀದಿ ಹಕ್ಕನ್ನು ಪ್ರಭಾವಿಗಳಿಗೆ ನೀಡಲಾಗಿತ್ತು.
ಶಶಿ ಕರ್ಣಾವತ್‌ ಅವರು ಪ್ರಸ್ತುತವಾಗಿ ಕ್ರೀಡಾ ಇಲಾಖೆಯಲ್ಲಿ ಉಪ ಕಾರ್ಯದಶಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಆದ್ರೆ 1999-2000 ರಲ್ಲಿ ಮಂಡ್ಲಾ ಜಿಲ್ಲಾ ಪಂಚಾಯಿತಿಯ ಸಿಇಒ ಆಗಿದ್ದಾಗ, ಸರ್ಕಾರದ ನಿಯಮಗಳನ್ನು ಗಾಳಿಗೆ ತೂರಿ ಮುದ್ರಣ ಮತ್ತು ಖರೀದಿ ಹಕ್ಕನ್ನು ಯಾವುದೇ ಟೆಂಡರ್‌ ಕರೆಯದೇ, ನೀಡಲಾಗಿತ್ತು. ಹೀಗಾಗಿ ಶಶಿ ಕರ್ಣಾವತ್‌ ಅವರಿಗೆ 5 ವರ್ಷಗಳ ಕಾಲ ಕಠಿಣ ಶಿಕ್ಷೆಯ ಜೊತೆಗೆ 50 ಲಕ್ಷ ರೂಪಾಯಿಗಳ ದಂಡವನ್ನು ನ್ಯಾಯಾಲಯವು ವಿಧಿಸಿದೆ.