ಸಿಟ್ಟಿಗೆದ್ದ ಮುದುಕ ಹೆಂಡತಿಗೆ ಬೆಂಕಿ ಇಟ್ಟ
ಹೈದ್ರಾಬಾದ್‌ , ಮಂಗಳವಾರ, 10 ಸೆಪ್ಟಂಬರ್ 2013 (10:52 IST)
ಗಂಡ ಹೆಂಡತಿಯರ ಮಧ್ಯೆ ಸಣ್ಣ ಪುಟ್ಟ ಜಗಳಗಳು, ಮನಸ್ತಾಪಗಳು ಬರುವುದು ಸಾಮಾನ್ಯ. ಆದ್ರೆ ಇಲ್ಲೊಬ್ಬ 45 ವರ್ಷದ ಪಾಪಿ ಪತಿ ತನ್ನ ಪತ್ನಿಯ ಮೇಲೆ ಸೀಮೆ ಎಣ್ಣೆ ಸುರಿದು ಬದುಕಿಗೆ ಬೆಂಕಿ ಇಟ್ಟಿದ್ದಾನೆ.ಮಹಾಲಕ್ಷ್ಮಿ ಪತಿಯಿಂದ ಸಾವಿಗೀಡಾದ ದುರ್ದೈವಿ. 45 ವರ್ಷದ ಪತಿ ಯಾದ್ಗಿರಿ ಮತ್ತು ಪತ್ನಿ ಮಹಾಲಕ್ಷ್ಮಿ ನಡುವೆ ಕಳೆದ ಎರಡು ಮೂರು ದಿನಗಳಿಂದ ಸಣ್ಣ ವಿಷಯಕ್ಕೆ ಮನಸ್ತಾಪ ಉಂಟಾಗಿತ್ತು. ಆದ್ರೆ ಪತಿರಾಯನಿಗೆ ಅದೇನಾಯ್ತೋ ಎನೋ ಗೊತ್ತಿಲ್ಲ. ಇದ್ದಕ್ಕಿದ್ದಂತೆ ಸಿಟ್ಟಿಗೆದ್ದು ಪತ್ನಿಯ ಮೇಲೆ ಸೀಮೆ ಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದಾನೆ ಎಂದು ಹೈದ್ರಾಬಾದ್‌ನ ಚಿಕ್ಕಲಗೂಡ ಪೋಲೀಸರು ಹೇಳಿದ್ದಾರೆ. ಸಂಪೂರ್ಣವಾಗಿ ಬೆಂಕಿಯಲ್ಲಿ ಬೆಂದು ಹೋಗಿದ್ದ ಮಹಾಲಕ್ಷ್ಮಿಯನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಅದ್ರೆ ಹೆಚ್ಚು ಗಾಯಗೊಂಡಿದ್ದರಿಂದ ಇಂದು ಮುಂಜಾನೆ ಸಾವಿಗೀಡಾಗಿದ್ದಾಳೆ. ಪಾಪಿ ಪತಿಯ ವಿರುದ್ಧ ಐಪಿಸಿ ಸೆಕ್ಷನ್ 302 ರ ಅನ್ವಯ ದೂರು ದಾಖಲಿಸಿದ ಪೋಲೀಸರು ತನಿಖೆಯನ್ನು ಕೈಗೊಂಡಿದ್ದಾರೆ.
