ತಂದೆಯ ಸಾವಿನಿಂದ ಖಿನ್ನತೆಗೊಳಗಾಗಿ ಆತನ ಆತ್ಮದೊಂದಿಗೆ ಸಂವಾದ ನಡೆಸಬೇಕು ಎಂದು ಒತ್ತಾಯಿಸುತ್ತಿದ್ದ ವ್ಯಕ್ತಿಗೆ, ತಂದೆಯೊಂದಿಗೆ ಚರ್ಚಿಸುವಂತೆ ಮಾಡುವುದಾಗಿ ಭರವಸೆ ನೀಡಿ ಎರಡು ತಿಂಗಳುಗಳ ಕಾಲ ದೈಹಿಕವಾಗಿ ಹಿಂಸಿಸಿದ ಮಾಂತ್ರಿಕಳನ್ನು ಪೊಲೀಸರು ಬಂಧಿಸಿದ್ದಾರೆ.
ವಾಸಾಯಿ ಪಟ್ಟಣದ ನಿರ್ಮಲ್ ಗ್ರಾಮದ ನಿವಾಸಿಯಾದ ಜಿತೇಶ್ ಘೋಷೆ ಎನ್ನುವ ವ್ಯಕ್ತಿಯೊಬ್ಬ, ಮಾಂತ್ರಿಕಳಾಗಿದ್ದ ದರ್ಶನಾ ಜಾಧವ್ ಎನ್ನುವ ಮಹಿಳೆಯನ್ನು ಭೇಟಿ ಮಾಡಿ ಮಂತ್ರ ಶಕ್ತಿಯಿಂದ ತಂದೆಯ ಆತ್ಮದೊಂದಿಗೆ ಸಂವಾದ ನಡೆಸಲು ನೆರವಾಗುವಂತೆ ಕೋರಿದಾಗ ನೆರವು ನೀಡಲು ಒಪ್ಪಿದಳು ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾಂತ್ರಿಕ ಮಹಿಳೆ ಹಾಲಿನಲ್ಲಿ ನಿದ್ರೆ ಮಾತ್ರೆ ಬೆರಸಿ ಜಿತೇಶ್ ಘೋಷ್‌ಗೆ ನೀಡಿದ್ದಾಳೆ ನಿದ್ರೆ ಮಂಪರಿನಲ್ಲಿದ್ದಾಗ ಆತನ ದೇಹದ ಮೇಲೆ ಕುದಿಯುವ ಎಣ್ಣೆ ಹಾಕಿ ಹತ್ತಿಯಿಂದ ಒತ್ತಿದ್ದರಿಂದ ಸುಟ್ಟಗಾಯಗಳಾಗಿವೆ. ನಿದ್ರೆಯಿಂದ ಎಚ್ಚತ್ತ ಜಿತೇಶ್ ತನ್ನ ದೇಹದ ಮೇಲಾದ ಸುಟ್ಟಗಾಯಗಳಿಂದ ಗಾಬರಿಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾನೆ. ನಂತರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾನೆ.
ಪೊಲೀಸರು ನಾಪತ್ತೆಯಾಗಿರುವ ಆರೋಪಿ ಮಹಿಳೆ ದರ್ಶನಾ ಜಾಧವ್ ಪತ್ತೆಗಾಗಿ ಜಾಲ ಬೀಸಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.