Webdunia - Bharat's app for daily news and videos

Install App

ವಿಷ್ಣುವಿಗೆ ಪ್ರದಕ್ಷಿಣೆ ಹಾಕುತ್ತಿರುವ ವರಾಹ

Webdunia
ಸೋಮವಾರ, 15 ಡಿಸೆಂಬರ್ 2008 (19:17 IST)
ವರಾಹವೊಂದು ನದಿಯಲ್ಲಿ ಮುಳುಗೆದ್ದು, ವಿಷ್ಣು ದೇವಾಲಯಕ್ಕೆ ಪ್ರದಕ್ಷಿಣೆ ಹಾಕುತ್ತಿರುವ ವಿಸ್ಮಯಕಾರಿ ಘಟನೆಯೊಂದು ಭಾನುವಾರದಿಂದ ನಿರಂತರ ನಡೆಯುತ್ತಿದೆ.

ಆಂಧ್ರ ಪ್ರದೇಶದ ಪೆನುಗೊಂಡ ಜಿಲ್ಲೆಯ ಪಶ್ಚಿಮಗೋದಾವರಿ ತಟದಲ್ಲಿರುವ ಸಿದ್ದಾಂತಂ ಎಂಬ ಗ್ರಾಮದಲ್ಲಿರುವ ವೆಂಕಟೇಶ್ವರ ದೇವಾಲಯದಲ್ಲಿ ಈ 'ವರಾಹ ದರ್ಶನ'ವಾಗಿದೆ.

ಇತರ ಹಂದಿಗಳೊಂದಿಗೆ ಗುಂಪಿನಲ್ಲಿ ತೆರಳುತ್ತಿದ್ದ ಬಡಕಲು ದೇಹದ ಬಿಳಿಯ ಬಣ್ಣದ ಹಂದಿಯೊಂದು ಗುಂಪಿನಿಂದ ತಪ್ಪಿಸಿಕೊಂಡು ದೇವಾಲಯದತ್ತ ತೆರಳಿ ಪ್ರದಕ್ಷಿಣೆ ಹಾಕಿದೆ. ದೇವಾಲಯಕ್ಕೆ ತೆರಳುವ ಮುನ್ನ ಗೋದಾವರಿ ನದಿಯಲ್ಲಿ ಮುಳುಗಿ ದೇವಾಲಯದತ್ತ ತೆರಳಿ ದೇವಾಲಯಕ್ಕೆ ಸುತ್ತುಬರುತ್ತಿರುವ ದೃಶ್ಯವು ದೂರದರ್ಶನ ವಾಹಿನಿಗಳಲ್ಲಿ ಬಿತ್ತರವಾಗುತ್ತಿದೆ.

ಈ ವಿಸ್ಮಯಕಾರಿ ಸುದ್ದಿಯು ಬಾಯಿಂದ ಬಾಯಿಗೆ ಹಬ್ಬಿದ್ದು, ದೇವಾಲಯದಲ್ಲೀಗ ಜನರ ಜಾತ್ರೆಯೇ ನೆರೆಯುತ್ತಿದೆ.

ಗುಂಪಿನಿಂದ ತಪ್ಪಿಸಿಕೊಂಡಿರುವ ಈ ಸೂಕರವನ್ನು ಮತ್ತೆ ಮಾಲಿಕರಿಗೆ ಒಪ್ಪಿಸಿದರೂ, ಅಲ್ಲಿಂದ ಮತ್ತೆಮತ್ತೆ ತಪ್ಪಿಸಿಕೊಂಡು ಅದು ದೇವಾಲಯದತ್ತಲೇ ಮರಳುತ್ತದೆ. ಅದನ್ನು ಯಾರಾದರೂ ಮುಟ್ಟಿದರೆ ಮತ್ತೆ ನದಿಗೆ ತೆರಳಿ ಮುಳುಗೆದ್ದು ಬರುತ್ತಿರುವುದು ಜನತೆಯಲ್ಲಿ ಕುತೂಹಲ ಮೂಡಿಸಿದೆ.

ದೇವಾಲಯದ ಗರ್ಭಗುಡಿಯ ಹೊರಭಾಗದ ಅಂಗಣದಲ್ಲಿ ಬಾಲಅಲ್ಲಾಡಿಸುತ್ತಾ ಮತ್ತೆತ್ತಲೂ ತೆರಳದೆ, ದೃಷ್ಟಿಹರಿಸದೆ ಈ ಹಂದಿ ಪ್ರದಕ್ಷಿಣೆ ಬರುತ್ತಿರುವುದು ಭಕ್ತರಲ್ಲಿ ಇದು ವಿಷ್ಣುವಿನ ಅವತಾರವೇನೋ ಎಂಬ ಭಾವ ಮೂಡಿಸಿದೆ. ಭಕ್ತರು ಈ ಹಂದಿಗೆ ಅರಶಿನ ಕುಂಕುಮ ಹಚ್ಚಿ ಪೂಜೆ ಸಲ್ಲಿಸಿ ನಮಸ್ಕರಿಸುತ್ತಿದ್ದಾರೆ.

ಈ ಹಂದಿಗೆ ಹಾದಿ ತಪ್ಪಿದೆಯೇ, ಇಲ್ಲ ಆಹಾರ ಹುಡುಕಿ ಇತ್ತಕಡೆ ಬಂದಿದೆಯೇ ಎಂಬ ಪ್ರಶ್ನೆಗಳು ಮೂಡುತ್ತಿದ್ದರೂ, ಹೊರಕರೆದೊಯ್ದು ಬಿಟ್ಟರೂ ಮತ್ತೆಮತ್ತೆ ನದಿಯಲ್ಲಿ ಮುಳುಗಿ ದೇವಾಲಯದತ್ತ ಮರಳಿ ಬಂದು ಪ್ರದಕ್ಷಿಣೆ ಹಾಕುತ್ತಿರುವುದು ವಿಸ್ಮಯಕಾರಿಯಾಗಿದೆ.

ಅಯೋಧ್ಯೆ ರಾಮನಿಗೆ ಮೈಸೂರು ಶಿಲ್ಪಿಯ ವಿಗ್ರಹ? ಕುಟುಂಬದವರ ಸಂತಸ

ನಮಗೆ ಸಿದ್ದರಾಮಯ್ಯನೇ ಪ್ರಭು ರಾಮ: ಮಾಜಿ ಸಚಿವ ಆಂಜನೇಯ

ಜಪಾನ್​ನಲ್ಲಿ 7.5 ತೀವ್ರತೆಯ ಪ್ರಬಲ ಭೂಕಂಪ

ರಾಮ ಮಂದಿರ, ಆದಿತ್ಯನಾಥ್​ಗೆ ಬಾಂಬ್ ಬೆದರಿಕೆ

ಬಿಹಾರದಲ್ಲಿ ದಲಿತ ಮಹಿಳೆ ಮೇಲೆ ಖಾಕಿ ದೌರ್ಜನ್ಯ

ಕಿತ್ತಳೆ ಜಾಮ್​​ ತಯಾರಿಸಿದ ರಾಹುಲ್​ ಗಾಂಧಿ

ಹುಟ್ಟುಹಬ್ಬ ಆಚರಿಸಿಕೊಳ್ಳಲು ತೆರಳುತ್ತಿದ್ದ ಯುವಕರು ಬಲಿ

ಕಾಡಾನೆ ದಾಳಿ; ಮಹಿಳೆಗೆ ಗಂಭೀರ ಗಾಯ

ಹೊಸ ವರ್ಷಾಚರಣೆ ಹಿನ್ನೆಲೆ ತಡ ರಾತ್ರಿ ಗಲಾಟೆ

ಹೈಕಮಾಂಡ್ ನಮ್ಮನ್ನ ಕರೆಯುವ ಅವಶ್ಯಕತೆಯಿಲ್ಲ

Show comments