ಅತ್ಯಾಚಾರ ಪ್ರಕರಣ ದಾಖಲಿಸಲು ಬಂದ 14 ವರ್ಷ ವಯಸ್ಸಿನ ಬಾಲಕಿಗೆ ನಗ್ನಳಾಗುವಂತೆ ಹಿರಿಯ ಪೊಲೀಸ್ ಅಧಿಕಾರಿ ಒತ್ತಾಯಿಸಿದ ಹೇಯ ಘಟನೆ ಉತ್ತರಪ್ರದೇಶದ ಖುಷಿನಗರ ಜಿಲ್ಲೆಯಲ್ಲಿ ನಡೆದಿದೆ
ಸ್ಥಳೀಯ ನಿವಾಸಿಯೊಬ್ಬ ತನ್ನ ಮೇಲೆ ಅತ್ಯಾಚಾರವೆಸಗಿದ್ದರಿಂದ ಪೊಲೀಸ್ ಠಾಣೆಯಲ್ಲಿ ದೂರು ನೀಡಲು ತನ್ನ ತಂದೆ ತಾಯಿಯೊಂದಿಗೆ ಬಾಲಕಿ ತೆರಳಿದ್ದಳು.ಅತ್ಯಾಚಾರವಾಗಿದೆ ಎನ್ನುವುದನ್ನು ಖಚಿತಪಡಿಸಿಕೊಳ್ಳಲು ಬಟ್ಟೆಗಳನ್ನು ಕಳಚಿಹಾಕುವಂತೆ ಠಾಣೆಯ ಅಧಿಕಾರಿ ಜೈಸ್ ರಾಜ್ ಯಾದವ್ ಒತ್ತಾಯಪಡಿಸಿದ್ದಾನೆ.
ಅತ್ಯಾಚಾರಕ್ಕೊಳಗಾದ ಬಾಲಕಿಯನ್ನು ಕೋಣೆಯೊಂದಕ್ಕೆ ತೆಗೆದುಕೊಂಡು ಹೋಗಿ ಬಾಗಿಲು ಮುಚ್ಚಿ ಬಟ್ಟೆ ಬಿಚ್ಚುವಂತೆ ಗದರಿದ್ದಾನೆ. ಬಾಲಕಿಯ ನಗ್ನದೇಹದ ಮೇಲೆ ತನ್ನ ಕ್ರೌರ್ಯವನ್ನು ಮೆರೆದಿದ್ದಾನೆ.
ಪೊಲೀಸ್ ಠಾಣೆಯ ಅಧಿಕಾರಿಯ ವರ್ತನೆಯಿಂದ ನೊಂದ ಕುಟುಂಬ ರೇಪ್ ಪ್ರಕರಣ ದಾಖಲಿಸದೆ ವಾಪಸ್ಸಾಗಿದೆ.ನಂತರ ಹಿರಿಯ ಪೊಲೀಸ್ ಅಧಿಕಾರಿಯನ್ನು ಭೇಟಿ ಮಾಡಿದಾಗ ಕೊನೆಗೂ ರೇಪ್ ಪ್ರಕರಣ ದಾಖಲಿಸಿ ಆರೋಪಿಯನ್ನು ಕೂಡಾ ಬಂಧಿಸಲಾಗಿದೆ
ಆರೋಪಿ ಪೊಲೀಸ್ ಅಧಿಕಾರಿ ಜೈಸ್ ರಾಜ್ ಯಾದವ್ ವಿರುದ್ಧ ತನಿಖೆಗೆ ಆದೇಶಿಸಲಾಗಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ತಿಳಿಸಿದ್ದಾರೆ.
