ರಾಹುಲ್ ಪ್ರಧಾನಿಯಾದರೆ ಮೋದಿ ಸೇರುತ್ತಾರೆ ಜೈಲು: ಬೋನಿ ಪ್ರಸಾದ್
ನವದೆಹಲಿ , ಶುಕ್ರವಾರ, 4 ಏಪ್ರಿಲ್ 2014 (17:14 IST)
ಭಾರತೀಯ ಜನತಾ ಪಕ್ಷದ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿರುವ ಕೇಂದ್ರ ಸಚಿವ ಬೋನಿ ಪ್ರಸಾದ ವರ್ಮಾ ಒಂದು ವೇಳೆ ಕಾಂಗ್ರೆಸ್ ಪಕ್ಷದ ಉಪಾಧ್ಯಕ್ಷ ರಾಹುಲ್ ಗಾಂಧಿ ಪ್ರಧಾನಿಯಾದರೆ ಗುಜರಾತ್ ದಂಗೆಯ ಆರೋಪದ ಮೇಲೆ ಮೋದಿ 6 ತಿಂಗಳ ಒಳಗೆ ಸರಳುಗಳ ಹಿಂದೆ ಇರಲಿದ್ದಾರೆ ಎಂದು ಹೇಳಿದ್ದಾರೆ.
"
ಮೋದಿ ಒಬ್ಬ ನಿರಂಕುಶವಾದಿ. ಹಾಗಾಗಿ ಅವರು ಹಿಂದೂಸ್ತಾನದಂತಹ ಪ್ರಜಾಸತ್ತಾತ್ಮಕ ದೇಶದ ಪ್ರಧಾನಿಯಾಗಲು ಸಾಧ್ಯವಿಲ್ಲ. ಬಿಜೆಪಿ ಏನು ಬೇಕಾದರೂ ಮಾಡಲಿ. ಮಾಧ್ಯಮಗಳನ್ನು ಖರೀದಿಸಲಿ, ಆದರೆ ಮೋದಿ ಪ್ರಧಾನಿ ಆಗಲು ಸಾಧ್ಯವಿಲ್ಲ" ಎಂದು ಅವರು ಹೇಳಿದ್ದಾರೆ. "
ಮೋದಿ ಬಿಜೆಪಿಯ ಕೇಂದ್ರದಲ್ಲಿ ಬಂದ ಮೇಲೆ ಪಕ್ಷದ ಹಲವಾರು ಸಂಸ್ಥಾಪಕ ಸದಸ್ಯರನ್ನು ಕಡೆಗಣಿಸಲಾಯಿತು" ಎಂದು ವರ್ಮಾ ಆರೋಪಿಸಿದ್ದಾರೆ."
ವಾರಣಾಸಿಯಲ್ಲಿ ಮೋದಿ ವಿರುದ್ಧ ಬಲಿಷ್ಠ ಅಭ್ಯರ್ಥಿಯನ್ನು ಕಣಕ್ಕಿಳಿಸುತ್ತೇವೆ, ಸದ್ಯದಲ್ಲೇ ಆ ಕುರಿತು ನಿರ್ಣಯ ತೆಗೆದುಕೊಳ್ಳಲಾಗುವುದು" ಎಂದು ಅವರು ಹೇಳಿದ್ದಾರೆ.
