ನವದೆಹಲಿ: ಬಿಜೆಪಿ ನಾಯಕ ನರೇಂದ್ರ ಮೋದಿ ಆನ್ಲೈನ್ ಪ್ರಚಾರ, ಪ್ರಚಾರದ ಒಂದು ಮಾದರಿಯಾಗಿರಬಹುದು. ಆದರೆ ಹಳೆಯ ಶೈಲಿಯ ಮನೆ-ಮನೆ ಅಭಿಯಾನ ಕ್ಕೆ ಪರ್ಯಾಯವಲ್ಲ. ಸಮೀಕ್ಷೆಗಳ ಪ್ರಕಾರ ಅಂತಿಮವಾಗಿ ಆಫ್ಲೈನ್ ಅಭಿಯಾನ ಕದನಗಳ ಗೆಲುವಿಗೆ ಕಾರಣವಾಗಿದೆ ಎಂದು ಪಕ್ಷದ ಸಂಸದರಿಗೆ ಎಚ್ಚರಿಸಿದ್ದಾರೆ.
ಮಂಗಳವಾರ ರಾತ್ರಿ ಬಿಜೆಪಿ ಸಂಸದರನ್ನು ಉದ್ದೇಶಿಸಿ ಮಾತನಾಡುತ್ತಿದ್ದ ಮೋದಿ ಮೂಲಭೂತ ಸಂದೇಶಗಳನ್ನು ಮರೆಯಬಾರದು. ಆನ್ಲೈನ್ ಬೆಂಬಲವನ್ನು ಆಫ್ಲೈನ್ ನಿಯಂತ್ರಣ ಮಾಡಬೇಕು. ಸಾರ್ವಜನಿಕ ಚಿತ್ತವನ್ನು ಗಮನದಲ್ಲಿ ಇಟ್ಟುಕೊಂಡು ಅಭ್ಯರ್ಥಿ ಆಯ್ಕೆ ಮಾಡಬೇಕು ಎಂದು ಒತ್ತಿ ಹೇಳಿದ್ದಾರೆ.
ಸಾಂಪ್ರದಾಯಿಕ ಗೆಲುವಿನ ಸಾಮರ್ಥವನ್ನು ಹೊರತುಪಡಿಸಿ, ಪಕ್ಷ ಪ್ರಬಲ ಪರ ಪಾರದರ್ಶಕತೆಯ ಮೂಲಕ ಮತದಾರರ ವಿಶ್ವಾಸಾರ್ಹತೆಗಳಿಸುವ ಕಡೆ ಸಮಾನ ಗಮನ ನೀಡಬೇಕಾಗುತ್ತದೆ ಎಂದು ಬಿಜೆಪಿಯ ಪ್ರಧಾನಿ ಅಭ್ಯರ್ಥಿ ಹೇಳಿದರು.
ಸದ್ಯ ಚಾಲನೆಯಲ್ಲಿರುವ ಯುಪಿಎ ವಿರೋಧಿ ಅಲೆಯಲ್ಲಿ ಲೋಕಸಭಾ ಚುನಾವಣೆಯ ತನಕ ಇಳಿತವಾಗಬಾರದು ಎಂದು ಸಂಸದರಿಗೆ ಮೋದಿ ಒತ್ತಾಯಿಸಿದ್ದಾರೆ. ಗುಜರಾತ್ ನಲ್ಲಿ ಬೆಚ್ಚಗಿನ ಮತ್ತು ಉತ್ಸಾಹದ ಪ್ರತಿಕ್ರಿಯೆಯನ್ನು ಪಡೆದಿದ್ದೇನೆ. ಅಲ್ಲದೇ ದೇಶದ ವಿವಿಧ ಭಾಗಗಳಲ್ಲಿ ನಡೆದ ಮೆರವಣಿಗೆಗಳಲ್ಲಿ ನಿರೀಕ್ಷೆಗಳನ್ನು ಮೀರಿ ಸ್ವಾಗತ ನೀಡಲಾಯಿತು ಎಂದು ಅವರು ಹೇಳಿದ್ದಾರೆ.
ಅಭಿಯಾನಗಳಲ್ಲಿ ಪಡೆದ ಪ್ರತಿಕ್ರಿಯೆ ಕುರಿತು ಆಶ್ಚರ್ಯ ವ್ಯಕ್ತ ಪಡಿಸಿರುವ ಮೋದಿ, ಮನಮೋಹನ್ ಸಿಂಗ್ ಸರ್ಕಾರದ ವಿರುದ್ಧ ಬಲವಾದ ಸಾರ್ವಜನಿಕ ಭಾವನೆಯನ್ನು ಪ್ರತಿಧ್ವನಿಸುವಂತೆ ಮಾಡಬೇಕು ಹೇಳಿದರು.