ಮನಮೋಹನ್ ಸಿಂಗ್ ಸೂಪರ್ ಪಿ ಎಂ: ಪ್ರಿಯಾಂಕಾ ಗಾಂಧಿ

ತಮ್ಮ ಕೈಕೆಳಗೆ ಕೆಲಸ ಮಾಡಿದ್ದ ಮಾಜಿ ಅಧಿಕಾರಿಗಳಿಂದ ಇತ್ತೀಚಿಗೆ ತೀವೃ ಟೀಕೆಗೆ ಗುರಿಯಾಗಿದ್ದ ಮನಮೋಹನ್ ಸಿಂಗ್ ಪ್ರಿಯಾಂಕಾ ಗಾಂಧಿಯಿಂದ ಮೆಚ್ಚುಗೆ ಪಡೆದುಕೊಂಡಿದ್ದಾರೆ.

PTI

ತನ್ನ ತಾಯಿ ಮತ್ತು ಸಹೋದರನಿಗಾಗಿ ಬಿಡುವಿಲ್ಲದ ಪ್ರಚಾರದಲ್ಲಿ ತೊಡಗಿಸಿಕೊಂಡಿರುವ ಪ್ರಿಯಾಂಕಾ "ಮನ್‌ಮೋಹನ್ ಸಿಂಗ್ ಭಾರತಕ್ಕೆ ಸೂಪರ್ ಪ್ರಧಾನಮಂತ್ರಿ" ಎಂದು ಹೇಳಿದ್ದಾರೆ.

2004 ಮತ್ತು 2008 ರ ನಡುವೆ ಪ್ರಧಾನಿ ಮನಮೋಹನ್ ಸಿಂಗ್ ಗೆ ಮಾಧ್ಯಮ ಸಲಹೆಗಾರರಾಗಿ ಸಲ್ಲಿಸಿದ ಸಂಜಯ್ ಬರು ಭಾನುವಾರ ಪುಸ್ತಕವೊಂದನ್ನು(ಆಕಷ್ಮಿಕ ಪ್ರಧಾನಿ- ದ ಮೇಕಿಂಗ್ ಆಂಡ್ ಅನ್ ಮೇಕಿಂಗ್ ಆಫ್ ಮನನೋಹನ್ ಸಿಂಗ್) ಬಿಡುಗಡೆ ಮಾಡಿದ್ದು, ಅದರಲ್ಲಿ "ಮನಮೋಹನ್ ಒಬ್ಬ ದುರ್ಬಲ ಪ್ರಧಾನಿ. ಅವರ ಕಛೇರಿ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿಯಿಂದ ನಿಯಂತ್ರಿಸಲ್ಪಡುತ್ತದೆ" ಎಂದು ಬರೆದಿದ್ದಾರೆ.

ಬಿಜೆಪಿ ಮತ್ತು ಇತರ ವಿರೋಧ ಪಕ್ಷಗಳು ಈ ಪುಸ್ತಕವನ್ನು ಕಾಂಗ್ರೆಸ್ ಪಕ್ಷ ಮತ್ತು ಸರಕಾರದ ಮೇಲೆ ದಾಳಿ ನಡೆಸಲು ಬಳಸಿಕೊಂಡಿವೆ.

ಸೋಮವಾರ, ಮಾಜಿ ಕಲ್ಲಿದ್ದಲು ಕಾರ್ಯದರ್ಶಿ ಪಿಸಿ ಪ್ರಕಾಶ ತಮ್ಮ ಪುಸ್ತಕ, 'ಕ್ರುಸೇಡರ್ ಅಥವಾ ಕಾನ್ಸ್ಪಿರೇಟರ್? ಕೋಲಗೇಟ್ ಮತ್ತು ಇತರ ಸತ್ಯಗಳು' ಬಿಡುಗಡೆ ಮಾಡಿದ್ದು ಇದರಲ್ಲಿ ಪ್ರಧಾನಿಯವರು ಒಂದು ಸರ್ಕಾರ ನಡೆಸುತ್ತಿದ್ದರೂ, 'ಕಡಿಮೆ' ರಾಜಕೀಯ ಅಧಿಕಾರ ಹೊಂದಿದ್ದಾರೆ ಎಂದು ಬರೆಯುವುದರ ಮೂಲಕ ಪ್ರಧಾನಿಯವರಿಗೆ ಮುಜುಗರವಾಗುವಂತೆ ಮಾಡಿದ್ದಾರೆ.