ತೆಹಲ್ಕಾ ಸಂಸ್ಥಾಪಕ ತರುಣ್ ತೇಜ್‌ಮಾಲ್ ಮೇಲೆ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿರುವ ಮಹಿಳೆ ಹೆಸರನ್ನು ಟ್ವಿಟರ್ ಅಕೌಂಟಿನಲ್ಲಿ ಬಳಸಿದ ಬಿಜೆಪಿ ನಾಯಕಿ ಮೀನಾಕ್ಷಿ ಲೇಖಿಗೆ ರಾಷ್ಟ್ರೀಯ ಮಹಿಳಾ ಆಯೋಗ ನೋಟಿಸ್ ಜಾರಿ ಮಾಡಿದೆ. ಈ ಕುರಿತು 24 ಗಂಟೆಯೊಳಗೆ ಉತ್ತರಿಸುವಂತೆ ಮೀನಾಕ್ಷಿ ಲೇಖಿಗೆ ಸೂಚಿಸಲಾಗಿದೆ. ಲೈಂಗಿಕ ಶೋಷಣೆಗೆ ಅಥವಾ ಅತ್ಯಾಚಾರಕ್ಕೆ ಒಳಗಾದ ಬಾಲಕಿ ಅಥವಾ ಮಹಿಳೆ ಹೆಸರನ್ನು ಎಲ್ಲೂ ಬಳಸಬಾರದು ಎಂಬ ನಿಯಮವಿದೆ. ಏಕೆಂದರೆ ಮಹಿಳೆಯ ಗೌರವ ಕಾಪಾಡುವುದು ಇದರ ಹಿಂದಿನ ಉದ್ದೇಶವಾಗಿದೆ.
ಆದರೆ ಈ ನಿಯಮವನ್ನು ಉಲ್ಲಂಘಿಸಿ ಮಹಿಳೆಯ ಹೆಸರನ್ನು ತಮ್ಮ ಟ್ವಿಟರ್ ಅಕೌಂಟಿನಲ್ಲಿ ಮೀನಾಕ್ಷಿ ಲೇಖಿ ಪ್ರಕಟಿಸಿದ್ದಾರೆಂದು ಮಹಿಳಾ ಆಯೋಗ ಆರೋಪಿಸಿದೆ. ಆದರೆ ತಮ್ಮ ಟ್ವಿಟರ್ ಅಕೌಂಟ್ ಹ್ಯಾಕ್ ಮಾಡಿ ಮಹಿಳೆ ಹೆಸರನ್ನು ಪೋಸ್ಟ್ ಮಾಡಿದ್ದಾರೆಂದು ಲೇಖಿ ಆರೋಪಿಸಿದ್ದಾರೆ.