ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಪ್ರಧಾನಿ ಹುದ್ದೆಯನ್ನು ಅಲಂಕರಿಸುವವರೆಗೆ ಅನ್ನ, ಚಹಾ ಮತ್ತು ಚಪ್ಪಲಿ ಧರಿಸುವುದಿಲ್ಲ ಎಂದು ಮೋದಿ ಪತ್ನಿ ಜಶೋದಾ ಬೆನ್ ಪ್ರತಿಜ್ಞೆಗೈದಿದ್ದಾರೆ.
ಒಂದ್ದಲ್ಲಾ ಒಂದು ದಿನ ನನ್ನನ್ನು ಕ್ಷಮಿಸಿ ತಮ್ಮ ಜೊತೆ ಮನೆಗೆ ಕರೆದುಕೊಂಡು ಹೋಗುತ್ತಾರೆ ಎನ್ನುವ ವಿಶ್ವಾಸವಿದೆ 61 ವರ್ಷ ವಯಸ್ಸಿನ ಜಶೋದಾ ಬೆನ್ ಹೇಳಿದ್ದಾರೆ.
19968 ರ ಏಪ್ರಿಲ್ 10 ರಂದು ಜಶೋದಾ ಬೆನ್ ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿಯನ್ನು ವಿವಾಹವಾಗಿದ್ದರು.
ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಕೊನೆಗೂ ತನ್ನನ್ನು ಪತ್ನಿ ಎಂದು ನಾಮಪತ್ರದಲ್ಲಿ ನಮೂದಿಸಿರುವುದಕ್ಕೆ ಆಕೆಗೆ ತುಂಬಾ ಸಂತೋಷವಾಗಿದೆ ಎಂದು ಜಶೋದಾ ಬೆನ್ ಸಹೋದರ ಹೇಳಿದ್ದಾರೆ.
ನಾಲ್ಕುವರೆ ವರ್ಷಗಳ ಹಿಂದೆ ಜಶೋದಾ ಬೆನ್ ಶಿಕ್ಷಕಿ ವೃತ್ತಿಯಿಂದ ನಿವೃತ್ತಳಾದ ನಂತರ ಮೆಹಸಾನಾ ತಾಲೂಕಿನಲ್ಲಿರುವ ಬ್ರಹ್ಮನ್‌ವಾಡಾ ಗ್ರಾಮದಲ್ಲಿ ತನ್ನ ಸಹೋದರ ನಡೆಸುತ್ತಿರುವ ತರಕಾರಿ ಅಂಗಡಿಯಲ್ಲಿ ವಹಿವಾಟಿಗೆ ನೆರವಾಗುತ್ತಿದ್ದಾರೆ.
ಪತಿ ನರೇಂದ್ರ ಮೋದಿ ಪ್ರಧಾನಿಯಾಗುವವರೆಗೆ ಅನ್ನ ಅಥವಾ ಚಹಾ ಸೇರಿದಂತೆ ಚಪ್ಪಲಿ ಕೂಡಾ ಧರಿಸುವುದಿಲ್ಲ ಎಂದು ಜಶೋದಾ ಬೆನ್ ಪ್ರಮಾಣ ಮಾಡಿದ್ದಾರೆ ಎಂದು ಬೆನ್ ಅವರ ಮತ್ತೊಬ್ಬ ಸಹೋದರ ಅಶೋಕ್ ಮೋದಿ ತಿಳಿಸಿದ್ದಾರೆ.
ಮೇ 16 ರಂದು ನರೇಂದ್ರ ಮೋದಿ ಪ್ರಧಾನಿಯಾಗಲಿರುವುದರಿಂದ ಸಿಹಿ ಹಂಚಿ ಸಂಭ್ರಮಿಸುತ್ತೇವೆ. ಅಂದು ಎಲ್ಲಾ ಮಾಧ್ಯಮದವರು ಬನ್ನಿ ಎಂದು ಜಶೋದಾ ಬೆನ್ ಸಹೋದರ ಕಮ್ಲೇಶ್ ಭಾಯಿಯವರ ಪತ್ನಿ ಸೀತಾಬೆನ್ ಸುದ್ದಿಗಾರರಿಗೆ ಆಹ್ವಾನ ನೀಡಿದ್ದಾರೆ.