ಇಲ್ಲಿರುವ ಕೋಟಿ ಕೋಟಿ ಹಣಕ್ಕೆ ವಾರಸುದಾರರೇ ಇಲ್ಲ. ಬ್ಯಾಂಕಿನ ಖಾತೆಯನ್ನು ತೆಗೆದು ಅದರಲ್ಲಿ ಹಣವನ್ನು ಇಟ್ಟ ಅದೆಷ್ಟೋ ಜನರು ಮತ್ತೆ ಆ ಹಣದ ಬಗ್ಗೆ ಚಿಂತೆಯೇ ಮಾಡದೇ ಸುಮ್ಮನಾಗಿಬಿಟ್ಟಿದ್ದಾರೆ..! ಹೀಗೆ ವಾರಸುದಾರರೇ ಇಲ್ಲದ ಕೋಟಿ ಕೋಟಿ ಹಣದ ಮಾಹಿತಿ ಇದೀಗ ಲಭ್ಯವಾಗಿದ್ದು, ಸುಮಾರು 8 ರಿಂದ 10 ವರ್ಷಗಳಿಂದ ಈ ಕೋಟಿ ಕೋಟಿ ಹಣ ಬ್ಯಾಂಕಿನಲ್ಲಿಯೇ ಕೊಳೆಯುತ್ತಿದೆ. ಆದ್ರೆ ಆ ಹವಾಲಾ ಹಣಕ್ಕೆ ವಾರಸುದಾರರು ಯಾರು?
ಸದ್ಯದ ಮಾಹಿತಿಯ ಮೇರೆಗೆ ದೇಶಾದ್ಯಂತ 3,625 ಕೋಟಿ ರೂಪಾಯಿಗಳು ಬ್ಯಾಂಕಿನಲ್ಲಿ ವಾರಸುದಾರರ ಪತ್ತೆಯೇ ಇಲ್ಲದೇ ಕೊಳೆಯುತ್ತಿದೆ. ಈ ಖಾತೆಗಳು ಚಾಲನೆಯಲ್ಲಿ ಇಲ್ಲದೇ ಇದ್ದುದರಿಂದ ವಾರಸುದಾರರಿಲ್ಲ ಎಂದು ಗುರ್ತಿಸಿ ಈ ಹಣವನ್ನು ವಾರಸುದಾರರಿಲ್ಲದ ಖಾತೆಗೆ ವರ್ಗಾಯಿಸಲಾಗುತ್ತಿದೆ.
ಯಾವ ಯಾವ ಬ್ಯಾಂಕಿನಲ್ಲಿ ಎಷ್ಟು ಕೋಟಿ? ಮುಂದಿನ ಪುಟದಲ್ಲಿದೆ ಇನ್ನಷ್ಟು ಮಾಹಿತಿ..
PTI
PTI
ಯಾವ ಯಾವ ಬ್ಯಾಂಕಿನಲ್ಲಿ ಎಷ್ಟು ಕೋಟಿ?
೧. ವಾರಸುದಾರರಿಲ್ಲದೇ ಕೊಳೆಯುತ್ತಿರುವ ಹಣ ಎಸ್‌ಬಿಐ ಬ್ಯಾಂಕಿನಲ್ಲಿಯೇ ಹೆಚ್ಚು - ಇಲ್ಲಿರುವ ಸುಮಾರು 714 ಕೋಟಿ ರೂಪಾಯಿಗಳಿಗೆ ವಾರಸುದಾರರೇ ಇಲ್ಲ.
೨. ಕೆನರಾ ಬ್ಯಾಂಕ್ ನಲ್ಲಿದೆ 525 ಕೋಟಿ ರೂಪಾಯಿಗಳು
ಗ್ರಾಮೀಣ ಭಾಗದಲ್ಲಿ ಬ್ಯಾಂಕ್ ಖಾತೆಗಳನ್ನು ಹೊಂದಿರುವ ಅತಿ ಹೆಚ್ಚು ಜನರು, ತಮ್ಮ ಖಾತೆಗಳಲ್ಲಿ ಹಣ ಡೆಪಾಸಿಟ್ ಮಾಡಿ ನಂತರ ಸುಮ್ಮನಾಗಿಬಿಟ್ಟಿದ್ದಾರೆ. ಆ ಖಾತೆಯನ್ನು ಮತ್ತೆ ಉಪಯೋಗಿಸಿಯೇ ಇಲ್ಲ ಎಂದು ಬ್ಯಾಂಕ್ ಮೂಲಗಳು ತಿಳಿಸಿವೆ.
2011 ರ ಬಳಿಕ ವಾರಸುದಾರರಿಲ್ಲದ ಹಣದ ಪ್ರಮಾಣ 1 ಸಾವಿರ ಕೋಟಿ ರೂ.ಗಳಷ್ಟು ಹೆಚ್ಚಾಗಿದೆ ಎಂದು ವರದಿ ಹೇಳಿದೆ.
ಎರಡು ವರ್ಷಗಳಿಗಿಂತಲೂ ಹೆಚ್ಚು ಕಾಲ, ಬ್ಯಾಂಕ್ ಖಾತೆಯನ್ನು ನಿರ್ವಹಿಸದೇ ಇದ್ದಲ್ಲಿ, ಅದನ್ನು ಚಾಲ್ತಿಯಲ್ಲಿಲ್ಲದ ಖಾತೆ ಎಂದು ಪರಿಗಣಿಸಲಾಗುತ್ತದೆ. ಆ ಬಳಿಕ 8 ವರ್ಷಗಳ ಕಾಲದ ಬಳಿಕವೂ, ನಿರ್ವಹಿಸದಿದ್ದರೆ, ಅವುಗಳಲ್ಲಿರುವ ಹಣ ಮತ್ತು ಬಡ್ಡಿ ಹಣವನ್ನು ವಾರಸುದಾರರಿಲ್ಲದ ಹಣ ಎಂದು ಗುರುತಿಸಿ 'ವಾರಸುದಾರರಿಲ್ಲದ ಠೇವಣಿ ಖಾತೆ'ಗೆ ವರ್ಗಾಯಿಸಲಾಗುತ್ತದೆ.
ಒಂದು ವೇಳೆ ಈ ಹಣವನ್ನು ಮರಳಿ ಪಡೆಯಬೇಕೆಂದರೆ 'ನೋ ಯುವರ್‌ ಕಸ್ಟಮರ್‌' ಫಾರಂ ತುಂಬಿ, ವಿಳಾಸ, ಗುರುತು ದೃಢೀಕರಣ ಮತ್ತು ಇತರ ದಾಖಲೆಗಳನ್ನು ಕೊಟ್ಟು ಮರಳಿ ಪಡೆಯಬಹುದಾಗಿದೆ.