ಕಾಪಾಡ್ರಪ್ಪೋ.. ಬ್ರಹ್ಮಕುಮಾರಿ ಆಶ್ರಮದ ಮಹಿಳೆಯರು ಸಲಿಂಗ ಕಾಮಿಗಳು.
ಇಂದೋರ್‌ , ಗುರುವಾರ, 26 ಸೆಪ್ಟಂಬರ್ 2013 (12:53 IST)
ಪ್ರಜಾಪಿತ ಬ್ರಹ್ಮಕುಮಾರಿ ಸೇವಾ ಸಂಸ್ಥೆಯ 22 ವರ್ಷದ ಸೇವಕಿಯೊಬ್ಬರು ನಗರದ ಠಾಣೆಯೊಂದರಲ್ಲಿ ದೂರೊಂದನ್ನು ದಾಖಲಿಸಿದ್ದಾರೆ. ಆಶ್ರಮದಲ್ಲಿರುವ ಪುರುಷ ವ್ಯವಸ್ಥಾಪಕರೊಬ್ಬರು ತನ್ನ ಮೇಲೆ ಸತತವಾಗಿ ನಾಲ್ಕು ವರ್ಷಗಳಿಂದ ಅತ್ಯಾಚಾರ ಎಸಗುತ್ತಿದ್ದಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾಳೆ. ಅಷ್ಟೇ ಅಲ್ಲ, ಇನ್ನೊಂದು ಶಾಕ್ ಕೂಡ ನೀಡಿದ್ದಾಳೆ. ಅದೇನಪ್ಪಾ ಅಂದ್ರೆ ಇಂದೋರ್‌ನಲ್ಲಿರುವ ಪ್ರಜಾಪಿತ ಬ್ರಹ್ಮಕುಮಾರಿ ಆಶ್ರಮದಲ್ಲಿರುವ ಎಲ್ಲಾ ಮಹಿಳಾ ಸೇವಕಿಯರೂ ಸಲಿಂಗ ಕಾಮಿಗಳಂತೆ..!! ಬ್ರಹ್ಮಕುಮಾರಿ ಆಶ್ರಮದ ಸೇವಕಿಯಾಗಿರುವ ಪ್ರತಿಮಾ ಕುಮಾರಿ ಈ ಬಗ್ಗೆ ಹೇಳಿದ್ದೇನು ಗೊತ್ತಾ? "ನಾನು ಬ್ರಹ್ಮಕುಮಾರಿ ಆಶ್ರಮದಲ್ಲಿ ಇದೆಲ್ಲವನ್ನು ನೋಡಿದ್ದೇನೆ. ನಮಗಿದು ಹೊಸದಲ್ಲ. ಎಲ್ಲಾ ಸೇವಕಿಯರು ಸಲಿಂಗ ಕಾಮಿಗಳು. ಇಲ್ಲಿ ಎಲ್ಲರೂ ಒಬ್ಬೊಬ್ಬರೊಂದಿಗೆ ದೈಹಿಕ ಸಂಪರ್ಕ ಹೊಂದಿದ್ದಾರೆ. ಪರಸ್ಪರ ದೇಹ ಸುಖವನ್ನು ಅನುಭವಿಸುತ್ತಾರೆ. ಗಂಡು ಇಲ್ಲದಿದ್ದರೂ ಹೆಣ್ಣುಗಳೇ ಗಂಡಿನಂತೆ ಕಾಮ ತೀರಿಸುತ್ತಾರೆ. ಅಷ್ಟರಮಟ್ಟಿಗೆ ಇಲ್ಲಿನ ಸೇವಕಿಯರು ಸಲಿಂಗ ಕಾಮಕ್ಕೆ ಒಗ್ಗಿ ಪಳಗಿದ್ದಾರೆ. ನಾನು ಆರಂಭದಲ್ಲಿ ಇಂದೋರ್‌ನಲ್ಲಿ ಇರುವ ಬ್ರಹ್ಮಕುಮಾರಿ ವಿಶ್ವವಿದ್ಯಾನಿಲಯಕ್ಕೆ ಸೇರಿದಾಗ ನನಗೂ ಇಂತಹ ಸಮಸ್ಯೆಗಳು ಎದುರಾಗಿದ್ದವು. ನನ್ನನ್ನೂ ತಮ್ಮ ಕಾಮ ತೃಷೆಗೆ ಇಲ್ಲಿನವರು ಬಳಸಿಕೊಂಡಿದ್ದಾರೆ ಎಂದು ಆಕೆ ಹೇಳಿದ್ದಾಳೆ.
