2014 ರ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಪಕ್ಷ ಧೂಳಿಪಟವಾಗಲಿದೆ ಎಂಬ ಸುದ್ದಿಗಳನ್ನು ಹಲವಾರು ಸಮೀಕ್ಷೆಗಳು ಹೊರ ಹಾಕುತ್ತಿವೆ. ಈ ಪೈಕಿ 2014 ರ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಪಕ್ಷ ಅತಿ ದೊಡ್ಡ ಪಕ್ಷವಾಗಿ ಹೊರ ಹೊಮ್ಮಲಿದ್ದು, ಇತರೇ ಪಕ್ಷಗಳು ಸರ್ಕಾರ ರಚನೆಯಲ್ಲಿ ಪ್ರಮುಖ ಪಾತ್ರವಹಿಸಲಿವೆ. ಇನ್ನು ಕಾಂಗ್ರೆಸ್‌ ಪಕ್ಷ ತನ್ನ ಭದ್ರ ಕೋಟೆಗಳಲ್ಲಿಯೇ ಕುಸಿತ ಕಾಣಲಿದೆ ಎಂದು ಸಮೀಕ್ಷೆಗಳು ಹೊರ ಹಾಕಿವೆ. ಸಿ ವೋಟರ್‌ ಸಮೀಕ್ಷೆಯ ಹೈಲೈಟ್ಸ್‌ ಇಲ್ಲಿದೆ ನೋಡಿ..
೧. 2014 ರ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಪ್ರಬಲ ಪಕ್ಷವಾಗಿ ಹೊರ ಹೊಮ್ಮಲಿದೆ.
೨. 2014ರ ಚುನಾವಣೆ ಕಾಂಗ್ರೆಸ್‌ಗೆ ತೀವ್ರ ಮುಖಭಂಗವನ್ನು ಉಂಟು ಮಾಡಲಿದೆ.
೩. ಕರ್ನಾಟಕದಲ್ಲಿ ಸಿದ್ರಾಮಯ್ಯನವರ ಪ್ರಭಾವ ಹೆಚ್ಚಾಗಿದ್ದು, ಕಾಂಗ್ರೆಸ್‌ನತ್ತ ಜನರು ಮುಖ ಮಾಡುವ ಸಾಧ್ಯತೆಗಳಿವೆ. ಆದರೆ ಇದು ಲೋಕಸಭಾ ಚುನಾವಣೆ ಆಗಿರುವುದರಿಂದ ಕೇಂದ್ರದ ಸರ್ಕಾರ ರಚನೆಯ ಅವಕಾಶವನ್ನು ಮೋದಿಗೆ ನೀಡುವ ಮನಸ್ಥಿತಿ ಕರ್ನಾಟಕದ ಪ್ರಜೆಗಳದ್ದಾಗಿದೆ. ಆದರೆ ಇಲ್ಲಿನ ಬಿಜೆಪಿ ಪಕ್ಷದ ಹಗರಣಗಳಿಂದಾಗಿ ಬಿಜೆಪಿಗೆ ಕಡಿಮೆ ಸೀಟುಗಳು ಸಿಗುವ ಸಾಧ್ಯತೆಗಳಿವೆ.
೪. ಆಂಧ್ರಪ್ರದೇಶ ಇಬ್ಭಾಗವಾಗಿರುವುದರಿಂದ ಆಂಧ್ರದಲ್ಲಿ ಕಾಂಗ್ರೆಸ್‌ ಪಕ್ಷ ಧೂಳೀಪಟವಾಗಲಿದೆ.
೫. ಬಿಜೆಪಿ ಮತ್ತು ಕಾಂಗ್ರೆಸ್‌ ಪಕ್ಷಗಳಿಗಿಂತಲೂ ಹೆಚ್ಚಾಗಿ ಇತರೇ ಪ್ರಾದೇಶಿಕ ಪಕ್ಷಗಳು ಲೋಕಸಭೆಯ ಚುನಾವಣೆಯಲ್ಲಿ ಪ್ರಮುಖ ಪಾತ್ರ ವಹಿಸಲಿವೆಯಂತೆ.