ಐಐಟಿ ಕಾನ್ಪುರದ ಹಾಸ್ಟೆಲ್ ಕೋಣೆಯಲ್ಲಿ ಕರ್ನಾಟಕದ ವಿದ್ಯಾರ್ಥಿ ಆತ್ಮಹತ್ಯೆ
, ಬುಧವಾರ, 5 ಫೆಬ್ರವರಿ 2014 (19:47 IST)
ಲಕ್ನೋ: 21 ವರ್ಷ ವಯಸ್ಸಿನ ಐಐಟಿ ಕಾನ್ಪುರದ ವಿದ್ಯಾರ್ಥಿಯೊಬ್ಬ ತನ್ನ ಹಾಸ್ಟೆಲ್ ಕೋಣೆಯಲ್ಲಿ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡ ಹೃದಯವಿದ್ರಾವಕ ಘಟನೆ ಸಂಭವಿಸಿದೆ. ಐಐಟಿ ಕಾನ್ಪುರ್ ಸಂಸ್ಥೆಯಲ್ಲಿ ಇದು ಮೂರನೇ ಆತ್ಮಹತ್ಯೆ ಪ್ರಕರಣವಾಗಿದೆ. ಕಳೆದ ಡಿಸೆಂಬರ್‌ನಿಂದೀಚೆಗೆ ಮಂಜುನಾಥ್ ಕಂಪ್ಯೂಟರ್ ಸೈನ್ಸ್ ಓದುತ್ತಿದ್ದು, ಕರ್ನಾಟಕದ ವಿದ್ಯಾರ್ಥಿಯಾಗಿದ್ದ. ಮಂಜುನಾಥ್ ತನ್ನ ತಂದೆ ಮತ್ತು ಸೋದರಿಯನ್ನು ಕಳೆದುಕೊಂಡಿದ್ದರಿಂದ ಖಿನ್ನತೆಯಿಂದ ಬಳಲುತ್ತಿದ್ದ. ತಾಯಿ ಕೂಡ ತೀರಿಹೋಗಿದ್ದರು. ಮೂರನೇ ವರ್ಷದ ವಿದ್ಯಾರ್ಥಿಯಾಗಿದ್ದ ಮಂಜುನಾಥ್ ತೀವ್ರ ಖಿನ್ನತೆಗೆ ಒಳಪಟ್ಟು ಕ್ಯಾಂಪಸ್‌ನಲ್ಲಿ ಮನಶ್ಯಾಸ್ತ್ರಜ್ಞರನ್ನು ಕೂಡ ಸಂಪರ್ಕಿಸಿದ್ದ. 2005ರಿಂದೀಚೆಗೆ ಐಐಟಿ ಕಾನ್ಪುರದ 15 ವಿದ್ಯಾರ್ಥಿಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
