Webdunia - Bharat's app for daily news and videos

Install App

ಚುಂಚಿ ಫಾಲ್ಸ್ ಗೆ ಭೇಟಿ ಕೊಡಲು ಇದು ಬೆಸ್ಟ್ ಟೈಂ

Krishnaveni K
ಮಂಗಳವಾರ, 13 ಆಗಸ್ಟ್ 2024 (14:21 IST)
Photo Credit: Facebook
ಬೆಂಗಳೂರು: ಈ ವೀಕೆಂಡ್ ಸುದೀರ್ಘ ರಜೆಯಿದೆ. ಹೀಗಾಗಿ ಫ್ಯಾಮಿಲಿ ಸಮೇತ ಎಲ್ಲಾದರೂ ಪಿಕ್ನಿಕ್ ಹೋಗಬೇಕೆಂದು ಬಯಸಿದರೆ ನೀವು ಚುಂಚಿ ಫಾಲ್ಸ್ ಗೆ ಭೇಟಿ ಕೊಡಬಹುದು.

ಇದು ಮಳೆಗಾಲವಾಗಿದ್ದು ಜಲಪಾತಗಳು ಯಾವುದೇ ಇದ್ದರೂ ನೋಡಲು ನಯನಮನೋಹರವಾಗಿರುತ್ತದೆ. ಹಾಗಂತ ಜಲಪಾತಗಳಿಗೆ ಹೋದಾಗ ಸೆಲ್ಫೀ ಹುಚ್ಚಿನಲ್ಲಿ ಮೈ ಮರೆತು ಅಪಾಯ ಮೈಮೇಲೆಳೆದುಕೊಳ್ಳಬೇಡಿ. ಕೆಲವು ಫಾಲ್ಸ್ ಗಳನ್ನು ದೂರದಿಂದಲೇ ನೋಡಿ ಖುಷಿಪಟ್ಟರೇ ಚೆನ್ನ.

 ಈ ವೀಕೆಂಡ್ ನೀವು ಭೇಟಿ ಕೊಡಬಹುದಾದ ಫಾಲ್ಸ್ ಗಳಲ್ಲಿ ಬೆಂಗಳೂರಿಗೆ ಸನಿಹವಿರುವ ಫಾಲ್ಸ್ ಎಂದರೆ ಚುಂಚಿ ಫಾಲ್ಸ್. ಇದು ಅರ್ಕಾವತಿ ನದಿ ನೀರಿನ ಫಾಲ್ಸ್ ಇದಾಗಿದೆ. ಬೆಂಗಳೂರಿನಿಂದ ಸುಮಾರು 83 ಕಿ.ಮೀ. ದೂರದಲ್ಲಿದೆ. ಮೇಕೆದಾಟಿಗೆ ಹೋಗುವ ದಾರಿಯಲ್ಲೇ ಈ ಫಾಲ್ಸ್ ಬರುತ್ತದೆ.

ಕಲ್ಲು ಗುಡ್ಡದ ನಡುವೆ ಅರ್ಕಾವತಿ ನದಿ ನೀರು ಹರಿದು ಹೋಗುವುದು ನೋಡಿದರೆ ಥೇಟ್ ಹೊಗೇನಕಲ್ ಫಾಲ್ಸ್ ನಂತೆಯೇ ಕಾಣುತ್ತದೆ. ಇದು ಪ್ರವಾಸಿಗರ ಫೇವರಿಟ್ ಪಿಕ್ನಿಕ್ ಸ್ಪಾಟ್ ಆಗಿದೆ. ಇಲ್ಲಿಗೆ ಎಂಟ್ರಿ ಫೀ ಎಂದು ಪ್ರತ್ಯೇಕ ಇಲ್ಲ. ವಾಹನ ಪಾರ್ಕಿಂಗ್ ಗಾಗಿ 30-50 ರೂ.ವರೆಗೆ ಚಾರ್ಜ್ ಮಾಡಲಾಗುತ್ತದೆ. ಇಲ್ಲಿಗೆ ಹೋಗುವ ದಾರಿ ಕೂಡಾ ಗುಡ್ಡ ಗಾಡಿನಿಂದ ಕೂಡಿದ್ದು ಅಲ್ಲಲ್ಲಿ ನಿಮ್ಮ ವಾಹನ ನಿಲ್ಲಿಸಿ ಸೆಲ್ಫೀ ತೆಗೆದುಕೊಳ್ಳಲು ಹೇಳಿ ಮಾಡಿಸಿದ ಜಾಗಗಳಿವೆ. ಮಳೆಗಾಲವಾಗಿರುವುದರಿಂದ ಚುಂಚಿ ಫಾಲ್ಸ್ ನಲ್ಲಿ ನೀರು ಧುಮ್ಮಿಕ್ಕಿ ಹರಿಯುತ್ತಿದ್ದು ಈಗ ಭೇಟಿ ನೀಡಲು ಬೆಸ್ಟ್ ಸಮಯವಾಗಿದೆ.

ನಿಮ್ಮದೇ ವಾಹನದಲ್ಲಿ ತೆರಳಿದರೆ ಸಮಯ ಉಳಿತಾಯವಾಗಲಿದೆ. ಬಸ್ ನಲ್ಲಿ ತೆರಳುವುದಿದ್ದರೆ ಕೆಆರ್ ಮಾರ್ಕೆಟ್ ನಿಂದ ಕನಕಪುರಕ್ಕೆ ಸಾಗುವ ಬಸ್ ನಲ್ಲಿ ತೆರಳಬೇಕು. ಕನಕಪುರದಿಂದ ಒಂದು ಆಟೋ ಮೂಲಕ ಚುಂಚಿ ಫಾಲ್ಸ್ ಗೆ ತೆರಳಬಹುದು. ಚುಂಚಿ ಫಾಲ್ಸ್ ತನಕ ಹೋಗುವ ಬಸ್ ಗಳು ವಿರಳವಾಗಿದೆ. ಫ್ಯಾಮಿಲಿ ಸಮೇತ ಹೋಗುವುದಿದ್ದರೆ ತಿಂಡಿ ಕಟ್ಟಿಕೊಂಡು ಹೋಗಿ ಅಲ್ಲೇ ಬೆಟ್ಟ ಗುಡ್ಡದ ನಡುವೆ ಕೂತು ಆಹಾರ ಸೇವನೆ ಮಾಡಬಹುದು.

ಸಂಬಂಧಿಸಿದ ಸುದ್ದಿ

ಓದಲೇಬೇಕು

BBK10: ಕುಟುಂಬ ಜೀವನ ನಿನಗೆ ಆಗಿ ಬರೋಲ್ಲ ಎಂದ ಸ್ವಾಮೀಜಿ ಮಾತಿಗೆ ಡ್ರೋಣ್ ಪ್ರತಾಪ್ ಶಾಕ್

‘ಗೋಟ್’ ಸಿನಿಮಾ ಕತೆ ಹಾಲಿವುಡ್ ನಿಂದ ಕದ್ದಿದ್ದಾ? ಟೀಕೆಗಳಿಗೆ ನಿರ್ದೇಶಕರ ಉತ್ತರವೇನು?

ಹುಟ್ಟುಹಬ್ಬಕ್ಕೆ ಅಭಿಮಾನಿಗಳ ಬಳಿಗೆ ಬರಲಿರುವ ರಾಕಿ ಭಾಯಿ ಯಶ್

ಫ್ಯಾನ್ಸ್​ ಜೊತೆ ದರ್ಶನ್ `ಕಾಟೇರ' ಸಂಭ್ರಮಾಚರಣೆ

ಪೋಸ್ಟರ್ ಜೊತೆಗೆ ದೇವರ ಸಿನಿಮಾ ಟೀಸರ್ ಬಿಡುಗಡೆ ದಿನಾಂಕವೂ ಬಹಿರಂಗ

ಎಲ್ಲವನ್ನೂ ನೋಡು

ತಾಜಾ

ಮದುವೆಯಾಗಿ ಇಷ್ಟು ದಿನಕ್ಕೆ ನಟಿ ರಶ್ಮಿ ಪ್ರಭಾಕರ್ ಕೊನೆಗೂ ಕೊಟ್ರು ಗುಡ್ ನ್ಯೂಸ್

ವಿರಾಟ್ ಕೊಹ್ಲಿ ಪರ ಬ್ಯಾಟಿಂಗ್ ಬೀಸಿದ ಸುಮಲತಾಗೆ ಮೊದಲು ಕನ್ನಡ ಕಲಿಯಿರಿ ಎಂದ ನೆಟ್ಟಿಗರು

Kamal Haasan: ಕನ್ನಡಕ್ಕೆ ಅವಮಾನ ಮಾಡಿದ ಕಮಲ್ ಹಾಸನ್ ಸಿನಿಮಾಗೆ ತಕ್ಕ ಶಾಸ್ತಿ

Keerthi Vishnuvardhan: ವಿಷ್ಣುವರ್ಧನ್ ಪುತ್ರಿ ಕೀರ್ತಿ ನಿಜಕ್ಕೂ ಯಾರ ಮಗಳು, ಯಾರಿಂದ ದತ್ತು ಪಡೆದಿದ್ದರು

ವಿಮಾನದಲ್ಲಿ ನೆಚ್ಚಿನ ನಟ ಹರ್ಷವರ್ಧನ್‌ರನ್ನು ನೋಡುತ್ತಿದ್ದ ಹಾಗೇ ಮಹಿಳಾ ಅಭಿಮಾನಿ ಹೀಗೇ ಮಾಡೋದಾ, Viral Video

ಮುಂದಿನ ಸುದ್ದಿ
Show comments