ಮಹಿಳೆಯೊರ್ವರು ಚಲಿಸುತ್ತಿರುವ ರೈಲನ್ನೇ ನಿಲ್ಲಿಸಿ ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ರೈಲು ಹಳಿಯಲ್ಲಿ ಮಲಗಿದ್ದ ಪತಿಯ ಪ್ರಾಣ ಉಳಿಸಿದ ಅಚ್ಚರಿಯ ಘಟನೆ ಪುತ್ತೂರಿನಲ್ಲಿ ನಡೆದಿದ್ದು, ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
ವರದಿಯಾದಂತೆ ಕಬಕ ನಿವಾಸಿಯಾಗಿರುವ ಗಣೇಶ್‌ (38) ಅವರು ಅನಾರೋಗ್ಯದಿಂದ ಬಳಲುತ್ತಿದ್ದು ಜೀವನದಲ್ಲಿ ಜಿಗುಪ್ಸೆಗೊಂಡು ಆತ್ಮಹತ್ಯೆ ಮಾಡಿಕೊಳ್ಳಬೇಕೆಂದು ರೈಲು ಬರುವ ವೇಳೆಗೆ ಸರಿಯಾಗಿ ರೈಲು ಹಳಿಯಲ್ಲಿ ಮಲಗಿದ್ದರು ಎನ್ನಲಾಗಿದೆ.
ಇದನ್ನು ನೋಡಿದ ಪತ್ನಿ ಸಾರ್ವಜನಿಕರ ಸಹಕಾರಕ್ಕಾಗಿ ಗಟ್ಟಿಯಾಗಿ ಕೊಗಿಕೊಂಡಿದ್ದಾರೆ.ಸಾರ್ವಜನಿಕರು ನೆರವಿಗೆ ಧಾವಿಸಿ ಗಣೇಶ್‌ ಅವರನ್ನು ಹಳಿಯಿಂದ ಮೇಲೆತ್ತಲು ಪ್ರಯತ್ನಿಸುತ್ತಿರುವಾಗಲೇ ರೈಲು ಹತ್ತಿರಕ್ಕೆ ಬಂದಾಗಿತ್ತು, ಇದರಿಂದ ಎಚ್ಚೆತ್ತ ಮಹಿಳೆ ತನ್ನ ಸೀರೆ ಸೆರಗನ್ನು ತೋರಿಸಿ ನಿಲ್ಲಿಸುವಲ್ಲಿ ಯಶಸ್ವಿಯಾದರು.
ಬಳಿಕ ಪತಿ ಪತ್ನಿ ಇಬ್ಬರನ್ನು ಪುತ್ತೂರು ಪೊಲೀಸರು ಠಾಣೆಗೆ ಕರೆದು ವಿಚಾರಣೆ ನಡೆಸಿದ್ದಾರೆ.