ಗಂಡನ ಜನನಾಂಗ ಹಿಸುಕಿ ಹತ್ಯೆ ಮಾಡಿದ ಪತ್ನಿ

ಮೈಸೂರು: ಪ್ರಿಯಕರನ ಜೊತೆ ಸೇರಿಕೊಂಡು ಪತ್ನಿ ತನ್ನ ಪತಿಯ ಜನನಾಂಗವನ್ನೇ ಹಿಸುಕಿ ಹತ್ಯೆ ಮಾಡಿದ ನೀಚ ಕೃತ್ಯ ಮೈಸೂರಿನಲ್ಲಿ ನಡೆದಿದೆ.

ಈ ಪ್ರಕರಣ ನಡೆದಿದ್ದು ಒಂಭತ್ತು ತಿಂಗಳ ಹಿಂದೆ. ಆದರೆ ಈಗ ಪೊಲೀಸ್ ತನಿಖೆಯಿಂದ ನಿಜಾಂಶ ಬಯಲಾಗಿದೆ. ಈ ಸಂಬಂಧ ಆರೋಪಿ ಪತ್ನಿ ಮತ್ತು ಆಕೆಯ ಪ್ರಿಯಕರನನ್ನು ಬಂಧಿಸಲಾಗಿದೆ.

ತನ್ನ ತವರು ಮನೆ ಸೇರಿಕೊಂಡಿದ್ದ ಪತ್ನಿಯನ್ನು ನೋಡಲು ಪತಿ ಬಂದಿದ್ದ. ಈ ವೇಳೆ ಆತನಿಗೆ ಕಾಫಿಯಲ್ಲಿ ಮತ್ತು ಬರಿಸುವ ಔಷಧಿ ಹಾಕಿ ಜನನಾಂಗ ಹಿಸುಕಿ ಕೊಲೆ ಮಾಡಲಾಗಿದೆ. ಆದರೆ ಕೃತ್ಯದ ಬಳಿಕ ಪತಿ ತಲೆನೋವು ಬಂತೆಂದು ಕುಸಿದು ಬಿದ್ದು ಸಾವನ್ನಪ್ಪಿದ್ದಾನೆ ಎಂದು ನಾಟಕವಾಡಿದ್ದಳು. ಆದರೆ ವಿಚಾರಣೆ ನಡೆಸಿದ ಪೊಲೀಸರಿಗೆ ಸತ್ಯ ತಿಳಿದುಬಂದಿದೆ.